Մարկոս 1:31-45 Դաս # 3
Հաջողություն կամ հնազանդություն
I. Ողջույնի խոսք.
Մարկոսի առաջին գլխում ներկայացված էր Հիսուսի ծառայության սկիզբը և հետևաբար՝ նրա «կարիերան»։ Հիսուսն ամենակարող Աստված է, բայց նաև մարդ։ Սա է պատճառը, որ Հիսուսն էլ մեզ պես, որպես մարդ, պետք է դիմակայեր կյանքի մարտահրավերներին։ Օրինակ՝ մենք էլ Հիսուսի նման բախվում ենք մարդկանց՝ ակնկալիքներն արդարացնելու ճնշմանը։
II. Ներածություն. հաջողություններ և ճնշումներ։
ՀԱՐՑ — Ովքե՞ր են ցանկանում առաջնորդ դառնալ, թող ձեռք բարձրացնեն։
ՀԱՐՑ — Ովքե՞ր են ցանկանում ծառայության մեջ ներգրավվել լրիվ աշխատանքային օրով։
ՀԱՐՑ — Ովքե՞ր են ցանկանում նշանակալիորեն ծառայել Աստծուն, բայց որպես աշխարհական ծառայող։
Ծանուցում: Ձեզանից շատերն ինձ նման են այն առումով, որ աշխարհական ծառայողի վկայությամբ են Քրիստոսին դարձել։ Ինձ նաև սովորեցրել են, որ լավ է նաև ձգտել դիրք ունենալ եկեղեցում։ Ըստ Աստվածաշնչի՝ երկու ձգտումներն էլ լեգիտիմ են։
ՀԱՐՑ — Ինչո՞ւ են շատ մարդիկ ձգտում եկեղեցում դիրք ունենալ։ Անկեղծ պատասխանեք այս հարցին։
ՊԱՏ․ — Որովհետև հաճախ դիրքի հետ նաև հեղինակություն և պատիվ ենք ձեռք բերում։ Իհարկե, համաշխարհային խաղերում համբավը գնդակն առաջինը նետողինն է, բայց հեղինակության հետ նաև մեկ այլ բան է առաջ գալիս. ակնկալիքներ։ Բիզնեսի կառավարչի պաշտոնը, իհարկե, հեղինակություն է ապահովում, բայց հաջողությունների հետ արդյունք ներկայացնելու պատասխանատվությունն էլ է մեծանում. հաջողության հասնելու խոչընդոտները հսկայական են։
ՀԱՐՑ — Կարծում ես, որ ծառայողները կամ երիտասարդական խմբերի պատասխանատուները հաջողության հասնելու նույն ճնշումների՞ն են բախվում։
ՀԱՐՑ — Ձեզանից քանի՞սն են ներգրավված ծառայության մեջ։ Հաջողության հասնելու ճանապարհին ճնշումներ եղե՞լ են։
III. Հաջողությունների ժամանակ Հիսուսը կենտրոնանում է նպատակի վրա. Մարկոս 1:32-39:
>>>> Ինչ — որ մեկը թող կարդա Մարկոս 1:32-33:
ՀԱՐՑ — Քանի՞ մարդ կար այստեղ։
ՊԱՏ. — Ողջ քաղաքն էր ներկա։
ՀԱՐՑ — Ի՞նչ էին նրանք ուզում։
>>>> Ինչ — որ մեկը թող կարդա Մարկոս 1:34:
ՀԱՐՑ — Որքանո՞վ Հիսուսը հաջողեց։
>>>> Ինչ — որ մեկը թող կարդա Մարկոս 1:35:
ՀԱՐՑ — Հաջողության գագաթնակետում Նա ի՞նչ արեց։
ՊԱՏ. — Նա առանձնացավ աղոթելու։
ՀԱՐՑ — Ինչո՞ւ աղոթել, երբ դու հաջողում ես։
ՊԱՏ․ — Հեշտ է մղվել աղոթքի շատ պատասխանատու պահերին, երբ մեր եսն է «վտանգված», օրինակ՝ երգելուց, խոսելուց կամ էլ մարզական միջոցառումներին մասնակցելուց առաջ։ Հազվադեպ են աղոթում դեպքերից հետո, հատկապես հաջողված։ Չարլզ Սպերջեն մի անգամ ասել է, որ մենք պետք է աղոթենք քարոզելուց առաջ և հետո, որպեսզի երբևիցե չմտածենք, որ մեր ճարտախոսությամբ ենք մարդկանց ուղղորդում առ Աստված։ Մի անգամ էլ մեքենայով տուն վերադառնալիս, երբ ես կիսվեցի իմ կնոջ հետ հաջողությունից հետո իմ զգացողություններով, նա ասաց․ «Իհարկե, դու խոսելուց առաջ աղոթում և խնդրում ես Աստծո օրհնությունները, խոսելուց հետո էլ ես աղոթում՝ այն ետ վերադարձնելու համար»։
>>>> Ինչ — որ մեկը թող կարդա Մարկոս 1:36-37:
ՀԱՐՑ — Պետրոսը և իր հետ եղած մարդիկ ինչո՞ւ էին Հիսուսին փնտրում։
>>>> Ինչ — որ մեկը թող կարդա Մարկոս 1:38-39:
ՀԱՐՑ — Ի՞նչ արարքի ուղղորդեցին Հիսուսին Իր աղոթքները։
ՊԱՏ․ — Նա շարունակելու էր առաջ քայլել։
Ծանուցում: Նախնական հաջողությամբ տարված՝ հեշտ է շեղվել մեր ճշմարիտ նպատակից։ Գուցե ինչ-որ կետ կա կյանքում, որից պետք է հեռանալ՝ մեր իրական նպատակներին հասնելու համար։
ՀԱՐՑ — Որո՞նք էին հաջողության վայրից Հիսուսի հեռանալու դրդապատճառները։
ՊԱՏ․ — Տե՛ս Մարկոս 1:38 (որպեսզի …քարոզեմ….):
ՀԱՐՑ — Իր իրագործած հրաշքներով Հիսուսը տպավորվա՞ծ էր։ Ինչպե՞ս նա պահպանեց իր ազատությունը։
ՊԱՏ․ — Տե՛ս Մարկոս 1:12-13. մյուս Ավետարանները մեզ ավելի շատ տեղեկություններ են տալիս այն մասին, թե ինչպես է Հիսուս իր եսի հետ կապված խնդիները լուծում (40 օր անապատային դժվարին փորձառությունը):
ՀԱՐՑ — Անմիջապես հաջողության հասնելուց հետո հե՞շտ է արդյոք շեղվել մեր իրական նպատակներից։ Ինչո՞ւ։
ՀԱՐՑ — Որպես մարդ՝ մենք խնդիր ունե՞նք ինչ-որ բան թողնելու կամ ինչ-որ տեղից հեռանալու՝ հաջողելու պարագայում։ Ինչո՞ւ։
Ծանուցում: Որոշ սովորողներ, երբ Ավագ դպրոցում հաջողակ են լինում, չեն ուզում դպրոցը լքել։ Շատերն էլ ավարտելուց հետո մի քանի տարի հոգեպես դպրոցը չեն լքում։ Ոմանք էլ հարմարվելով գիտական կյանքին՝ այնքան էլ ցանկություն չեն ունենում ավարտելու քոլեջը և հեռանալու, նրանք շարունակ փոխում են մասնագիտությունները կամ էլ մնում են ակադեմիայում։ Մեզանից ոմանք էլ այլևս երբեք որևէ բան չեն փորձի, որովհետև չեն հաջողել նախկինում։
ՀԱՐՑ — Արդյո՞ք այս նույն պատճառով չէ, որ երբեմն չենք կարողանում թողնել աշխատանքը:
ՊԱՏ. — Որոշ դեպքերում մենք պետք է մնանք։ Այնուամենայնիվ, եթե մենք մնում ենք անվտանգության դրդապատճառներից ելնելով, ճիշտ է, եթե, իհարկե, աշխատանքը մեզ համապատասխան է։ Բայց եթե մենք մնում ենք, որովհետև հարմար է, ապա հնարավոր է՝ մենք շեղվում ենք մեր կյանքի ճշմարիտ ուղուց՝ Աստծո կամքից։
Ծանուցում: Հե՛շտ է մոռանալ իրական նպատակը։ Ինչպես Ավագ դպրոցը կամ քոլեջը իրական նպատակ չեն, այլ ընդամենը միջոց՝ նպատակին հասնելու, այնպես էլ անձնական հարաբերությունները վերջնական նպատակ չեն։ Մենք պետք է հեռատես լինենք։ Մենք պետք է որոշենք, թե ինչ վերջնական արդյունք ենք ցանկանում։ Որոշ դեպքերում մենք պետք է քաջություն ունենանք հեռանալու, հատկապես երբ մենք սխալ նպատակի ուղղությամբ ենք աշխատում կամ մասամբ ենք գնում դեպի նպատակը։ Ծառայության մեջ նպատակը առաջնային հաջողությունը չէ, այլ կանչին հնազանդվելը և առաջադրանքներն իրականացնելը։
Ծանուցում: Մեկ այլ խնդիր կա այստեղ։ Հիսուսի նպատակը հրաշքներ գործելը և ամբոխին զարմացնելը չէր։ Նրա առաքելությունն էր Աստծո կամքը հայտնի դարձնելը։
>>>> Եկեք միասին կարդանք Ծննդոց 1:3,6,9,14, 20 և 24:
ՀԱՐՑ — Այս տողերից մենք ի՞նչ ենք սովորում Աստծո խոսքի մասին։
ՊԱՏ․ -Այն անհավատալիորեն հզոր է։ Աստված ստեղծեց տիեզերքն Իր խոսքով։ Աստծո խոսքը ստեղծարար ուժ ունի։
>>>> Ինչ — որ մեկը թող կարդա Եսայի 40:3-8։
ՀԱՐՑ — Ութերորդ տողն ի՞նչ է ասում Աստծո խոսքի մասին։
ՊԱՏ․ — Այն անսահմանորեն զորեղ է։ Մարմինը բուժելը կարևոր է և պետք է բուժվի, բայց հավիտենական բժշկությունն Աստծո խոսքի ուժով է։
Ծանուցում: Հիսուս մեզնից չէր ակնկալում անել այն, ինչ ինքը չէր արել։ Հնազանդության պատճառով նա հրաժարվեց հաջողությունից։ Նա անապատում հասկացավ իր ճշմարիտ նպատակը, որի մասին ակնարկվում է Մր.1:12-13 (տե՛ս նաև Մտ․ 4:4)։
IV. Հնազանդություն, այլ ոչ փառք։ Մարկոս 1:40-45։
>>>> Ինչ — որ մեկը թող կարդա Մարկոս 1:40։
ՀԱՐՑ — Ի՞նչ էր այս մարդն ուզում։
>>>> Ինչ — որ մեկը թող կարդա Մարկոս 1:41-42։
ՀԱՐՑ — Հիսուսի համար բուժելը դժվա՞ր էր։
ՊԱՏ․ — Հիսուսը խոսքի միջոցով բժշկեց մահացու հիվանդությունը։ Հիսուսի կամքով այս բորոտի մարմնում մոլեկուլները վերադասավորվեցին։ Սա անկառավարելի ուժ էր։
ՀԱՐՑ — Ո՞րն էր Հիսուսի բժշկության դրդապատճառը։
ՊԱՏ․ — Գթասրտությունը (1:41)։
ՀԱՐՑ — Արդյոք Հիսուսը պատրաստակա՞մ էր դիպչել անմաքուրներին։
ՊԱՏ․ — Այո։ Շատ քրիստոնյա ծառայականներ պատրաստակամ են նվագել, խոսել կամ քարոզել, բայց ոչ դիպչել հասարակության կողմից մերժվածներին։ Նրանք չեն ցանկանում կեղտոտվել։ Շատերը ՄԻԱՎ-ով վարակված կամ քաղցկեղով տառապող մարդուն աստվածաշնչյան խոսքով կմխիթարեն, բայց կխուսափեն դիպչելուց։
ՀՀ (հռետորական հարց) — Մեր աշխատավայրի գրասենյակներում, խանութում, դպրոցում կամ մեր ընտանիքում ովքե՞ր են այս բորոտի նման։ Մենք պատրա՞ստ ենք «Աստծո հպման» միջոց դառնալ նրանց համար:
>>>> Ինչ — որ մեկը թող կարդա Մարկոս 1:43-44։
ՀԱՐՑ — Հիսուսը այստեղ ի՞նչ էր անում։ Ինչո՞ւ լուռ մնալու հրաման տվեց։ Արդյո՞ք Հիսուսին դուր չէր գա դրական առումով հրապարակայնությունը։
ՀԱՐՑ — Ինչո՞ւ գնալ քահանայի մոտ։ Ի՞նչ նպատակ էր Հիսուսը հետապնդում։
ՊԱՏ․ — Հին հրեական հասարակությունում քահանաները հասարակական առողջության հոգածուներն էին։ Եթե ինչ-որ մեկը կասկածեր, որ ինքը բորոտություն ունի, կգնար քահանայի մոտ, ով լավ տեղյակ էր, թե ինչ պետք է անել։ Եթե մարդը նման էր վարակակիրի, ապա նրան կհրահանգվեր յոթ օրից հետո նորից ներկայանալ, ու եթե ախտանիշները դեռ լինեին, նրանք արդեն հաստատ կհասկանային, թե ինչ է։ Բորոտությունը հաստատվելու դեպքում քահանան նրան անմաքուր կհայտարարեր, և նա ստիպված կլիներ հեռանալ գյուղից, տնից, սինագոգից և այլն։ Հակառակ դեպքում ողջ գյուղը կարող էր վարակվել։ Եթե վարակված մարդը կարծում էր, որ արդեն առողջացել է, ապա նորից պետք է ներկայանար քահանային, ու եթե ապաքինման նշաններ ունենար, քահանան դարձյալ կհրահանգեր նրան հեռանալ և յոթ օրից հետո դարձյալ ներկայանալ։ Այս անգամ էլ վարակի նշաններ չցուցաբերելու դեպքում՝ քահանան նրան մաքուր կհայտարարեր, և կթույլատրվեր վերադառնալ տուն, աշխատանքի, սինագոգ և այլն։ Հիսուսը ցանկանում էր, որ մարդը հնազանդվի Աստծո խոսքին. այն նպատակով էր տրվել մարդուն։ Բայց Հիսուսը մեկ այլ նպատակ էլ էր հետապնդում։
Երկրորդ՝ նա հրապարակայնության կարիք չուներ։ Այս մարդու անհնազանդությունը Հիսուսին խանգարեց, որպեսզի Նա ուրիշներին էլ օգներ։ Այն, ինչ առաջին հայացքից կթվար երախտագիտական քայլ, վնասեց թե՛ մարդկանց, թե՛ Հիսուսին։ Ծայրահեղ հրապարակայնությունը խանգարեց Հիսուսին ուրիշներին էլ օգնել։ Ամբոխը սկսեց Իրեն հետևել, և Նա ստիպված էր տեղափոխվել չբնակեցված վայրեր (Մարկոս 1:45)։ Հիսուսի գործը ավելի արդյունավետ էր, երբ նա հանդիպում էր մարդկանց երես առ երես։ Ժողովրդականությունը ամենասկզբից էլ մեծ վնասներ հասցրեց։
Ծանուցում: 41-րդ համարում Հիսուսը լի է գթասրտությամբ, բայց 43-րդ համարում հունարենում գրված է «բարկացած» բառը, որ թարգմանված է «խիստ հրահանգեց» կամ «խիստ զգուշացրեց»։
ՀԱՐՑ — Ինչո՞ւ էր Հիսուսն այսքան խիստ։
ՀԱՐՑ — Ինչո՞ւ Հիսուսի գթասրտությունը փոխվեց բարկության և նման խստության։
ՊԱՏ․- Հիսուսն ավելին էր ցանկանում անել մարդկանց համար, քան ուղղակի ժամանակավոր բժշկումն էր։ Նա ցանկանում էր, որ մարդիկ հոգևոր բժշկություն ստանային և, հետևաբար, հավիտենապես փոխվեին։ Աստծուն հնազանդվելով՝ կերտում ենք մեր մեջ ավելի արժեքավոր բաներ, քան ուղղակի բժշկությունից առաջացած շոշափելի պարգևները։ Աստծո խոսքին հնազանդվելը ունի ստեղծարար ուժ։ Աստծո խոսքին հնազանդվելով՝ մենք կստանանք մեծագույն պարգևը։
ՀԱՐՑ — Այս մարդը բժշկությունից արդյո՞ք որևէ հարատև արժեքավոր բան ձեռք բերեց։
ՀԱՐՑ — Հիսուսն ավելի շատ հետարքրված էր հոգևոր, թե՞ ֆիզիկական բժշկությամբ։
ՊԱՏ․ — Իրոք շատ դաժան կլիներ, եթե մենք՝ քրիստոնյաներս, միայն մարդկանց ֆիզիկական բժշկությամբ կամ օժանդակությամբ մտահոգված լինեինք, այլ ոչ թե նրանց իրական խնդիրներով։ Հիսուսը երբեք չէր շեղվում իրական նպատակից։ Մենք պետք է հետևենք Հիսուսի օրինակին։
ՀԱՐՑ — Չհնազանդվելով Հիսուսին՝ արդյո՞ք այս մարդը կորցրեց ճշմարիտ բժշկության հնարավորությունը։
ՀԱՐՑ — Կարո՞ղ է արդյոք եկեղեցու կամ քրիստոնյա ծառայականի գործը խափանվել։
ՊԱՏ․ — «Լավը» կարող է միշտ էլ խանգարել «լավագույնին»։ Գթասիրտ ծառայողները ճշմարիտ քրիստոնյայի իրական պատկերն են։ Առանց իրենց՝ Աստվածաշնչյան ճշմարտությունը կտուժեր։ Այնուամենայնիվ, մինչ մենք օգնում ենք մարդկանց ֆիզիկական կարիքները հոգալ, չպետք է մոռանանք մեր գերագույն նպատակը։ Կարծում եմ՝ Աստված ցանկանում է, որ մեր բարի գործերն ավելի բարձր հարթություն տեղափոխենք։ Սա իրագործելը բավականին դժվար է, նաև չի գնահատվում, բայց Աստծո օգնությամբ կարելի է փորձել։
ՀԱՐՑ — Եթե մենք այսօր բորոտի տեղում լինեինք, ապա ի՞նչ կարող ենք ասել, Հիսուսի հպումից հետո Նա ո՞ր բնագավառներում կակնկալեր մեր հնազանդությունը կամ ինչպիս՞ի կարգապահություն։ Բավականին վտանգավոր կլինի ճանապարհի կեսին կանգնելը։ Երբեմն ավելի հեշտ է ուղղակի աղոթել և խնդրել օգնություն, քան հնազանդվել Աստծուն։

ԱՍՏՎԱԾԱՇՆՉՅԱՆ ՀՂՈՒՄՆԵՐ

Մարկոս 1: 31-45:
Նա մոտեցավ, ձեռքից բռնելով նրան ոտքի կանգնեցրեց, և տենդն իսկույն թողեց նրան։ Եվ ծառայում էր նրանց։
32 Երբ երեկո եղավ, արեգակի մայր մտնելու ժամանակ բոլոր հիվանդներին և դիվահարներին նրա մոտ բերեցին։ 33 Քաղաքի բոլոր բնակիչները դռան առաջ էին հավաքվել։ 34 Տարբեր ցավերով տառապող շատ հիվանդների բժշկեց ու շատ դևեր հանեց։ Եվ դևերին թույլ չէր տալիս, որ խոսեին, որովհետև նրան գիտեին։
35 Վաղ առավոտյան՝ լույսը դեռ չբացված, վեր կացավ, դուրս եկավ, մի ամայի տեղ գնաց ու այնտեղ աղոթում էր։ 36 Սիմոնն ու նրա հետ եղողները նրա հետևից գնացին։ 37 Եվ երբ նրան գտան, ասացին. «Բոլորը քեզ են փնտրում»։ 38 Նրանց ասաց. «Մոտակա գյուղաքաղաքները գնանք, որ այնտեղ էլ քարոզեմ, որովհետև դրա համար եմ եկել»։ 39 Եվ ամբողջ Գալիլեայով մեկ նրանց ժողովարաններում քարոզում էր ու դևերին հանում։
Բորոտի բժշկումը
(Մտթ. 8.1-4, Ղուկ. 5.12-16)
40 Հիսուսի մոտ մի բորոտ եկավ. ծնկի իջած աղաչում էր և ասում. «Եթե ուզես, կարող ես ինձ մաքրել»։ 41 Հիսուսը գթալով ձեռքը մեկնեց, նրան դիպավ ու ասաց. «Ուզում եմ, մաքրվի՛ր»։ 42 Երբ ասաց նրան, բորոտությունն իսկույն վերացավ նրա վրայից, և նա մաքրվեց։ 43 Եվ նրան անմիջապես դուրս հանելով՝ հորդորեց ու 44 ասաց. «Զգո՛ւյշ կաց, ոչ ոքի ոչինչ չասես, այլ գնա՛, քեզ ցո՛ւյց տուր քահանային ու քո մաքրվելու համար մատուցի՛ր այն, ինչ Մովսեսն է հրամայել՝ որպես դրա վկայություն»։ 45 Իսկ նա, դուրս գնալով, սկսեց այդ ամենը պատմել ու տարածել, այնպես որ Հիսուսն այլևս չէր կարողանում բացահայտ մտնել քաղաք, այլ դրսում՝ ամայի տեղերում էր լինում։ Եվ ժողովուրդը բոլոր կողմերից նրա մոտ էր գալիս։

Ծննդոց 1:1-24:
1 Սկզբում Աստված ստեղծեց երկինքն ու երկիրը։ 2 Երկիրն անձև ու դատարկ էր. և անդունդի վրա խավար էր, և Աստծու Հոգին շրջում էր ջրերի վրա։ 3 Եվ Աստված ասաց. «Թող լույս լինի»։ Եվ լույս եղավ։ 4 Աստված տեսավ, որ լույսը բարի է. և Աստված լույսը բաժանեց խավարից։ 5 Աստված լույսը կոչեց Ցերեկ և խավարը կոչեց Գիշեր։ Եվ երեկո ու առավոտ եղավ՝ օր առաջին։
6 Եվ Աստված ասաց. «Թող հաստատություն լինի ջրերի միջև, որ ջրերը բաժանի ջրերից»։ 7 Եվ Աստված արարեց հաստատությունը ու բաժանեց հաստատության տակ եղած ջրերը տարածության վրա եղած ջրերից։ Եվ այդպես եղավ։ 8 Աստված հաստատությունը կոչեց Երկինք։ Եվ երեկո ու առավոտ եղավ՝ օր երկրորդ։
9 Եվ Աստված ասաց. «Երկնքի տակ եղած ջրերը թող մի տեղ հավաքվեն, և ցամաքը երևա»։ Եվ այդպես եղավ։ 10 Աստված ցամաքը կոչեց Երկիր, իսկ հավաքված ջրերը կոչեց Ծով։ Աստված տեսավ, որ բարի է։ 11 Եվ Աստված ասաց. «Երկիրը թող կանաչ խոտ աճեցնի, սերմ տվող խոտ և պտղաբեր ծառ, որ պտուղ տա՝ իր տեսակի պես, որի սերմը իր մեջ լինի երկրի վրա»։ Եվ այդպես եղավ։ 12 Երկիրը կանաչ խոտ աճեցրեց, սերմ տվող խոտ՝ իր տեսակի պես, և պտղաբեր ծառ, որի սերմը իր մեջ է՝ իր տեսակի պես։ Աստված տեսավ, որ բարի է։ 13 Եվ երեկո ու առավոտ եղավ՝ օր երրորդ։
14 Եվ Աստված ասաց. «Թող լուսատուներ լինեն երկնքի հաստատության մեջ, որպեսզի ցերեկը բաժանեն գիշերից. և նշանների, ժամանակների, օրերի ու տարիների համար լինեն։ 15 Եվ լուսատուներ լինեն երկնքի հաստատության մեջ, որպեսզի լուսավորեն երկիրը»։ Եվ այդպես եղավ։ 16 Եվ Աստված երկու մեծ լուսատուներ արարեց. մեծ լուսատուն՝ ցերեկվա վրա իշխելու համար, իսկ փոքր լուսատուն՝ գիշերվա վրա իշխելու համար. ստեղծեց նաև աստղերը։ 17 Աստված դրանք դրեց երկնքի հաստատության մեջ, որպեսզի լուսավորեն երկիրը, 18 իշխեն ցերեկվա ու գիշերվա վրա և լույսը բաժանեն խավարից։ Եվ Աստված տեսավ, որ բարի է։ 19 Եվ երեկո ու առավոտ եղավ՝ օր չորրորդ։
20 Եվ Աստված ասաց. «Ջրերը թող եռան կենդանի շունչ ունեցող զեռուններով, և թռչուններ թռչեն երկրի վրա, երկնքի հաստատության միջով»։ 21 Եվ Աստված ստեղծեց մեծամեծ կետերը և կենդանի շունչ ունեցող բոլոր սողունները, որ ջրերը եռացին դրանցով՝ իրենց տեսակի պես, և բոլոր թևավոր թռչունները՝ իրենց տեսակի պես։ Եվ Աստված տեսավ, որ բարի է։ 22 Աստված օրհնեց դրանք՝ ասելով. «Աճեցե՛ք և բազմացե՛ք ու լցրե՛ք ծովերի ջրերը, և թռչունները թող շատանան երկրի վրա»։ 23 Եվ երեկո ու առավոտ եղավ՝ օր հինգերորդ։

Եսայի 40:3-8:
3 Մի ձայն կանչում է. «Պատրաստե՛ք Տիրոջ ճանապարհը անապատում, ուղի՛ հարթեք մեր Աստծու համար ամայության մեջ։ 4 Ամեն ձոր կբարձրանա, ամեն լեռ ու բլուր կնվաստանա, անհարթը կհարթվի, և խորդուբորդ տեղերը՝ կուղղվեն։ 5 Պիտի հայտնվի Տիրոջ փառքը, և ամեն մարմին միասին պիտի տեսնեն այն, որովհետև Տիրոջ բերանն է այդ խոսել»։
6 Մի ձայն ասում է. «Կանչի՛ր»։ Նա ասում է. «Ի՞նչ կանչեմ»։ «Ամեն մարմին խոտ է, և նրա ամբողջ վայելչությունը նման է դաշտի ծաղկի։ 7 Խոտը չորանում է, ծաղիկը՝ թառամում, երբ Տիրոջ շունչը փչում է դրանց վրա. իրապես ժողովուրդը նման է խոտի։ 8 Խոտը չորանում է, ծաղիկը՝ թառամում, բայց մեր Աստծու խոսքը մնում է հավիտյան»։

Մատթեոս 4:4
4 Նա պատասխանեց ու ասաց. «Գրված է.
“Ոչ միայն հացով է մարդն ապրում,
այլև այն ամեն խոսքով, որ
Աստծու բերանից է ելնում” (Բ Օր. 8.3)»։

գնալով, սկսեց այդ ամենը պատմել ու տարածել, այնպես որ Հիսուսն այլևս չէր կարողանում բացահայտ մտնել քաղաք, այլ դրսում՝ ամայի տեղերում էր լինում։ Եվ ժողովուրդը բոլոր կողմերից նրա մոտ էր գալիս։