ՄԱՐԿՈՍ 4:1-25 ԴԱՍ # 7
ՁԳՁԳՎԱԾ ՊԱՏԱՍԽԱՆՆԵՐԸ ԵՐԿԱՐ ԵՆ ՕԴՈՒՄ ԿԱԽՎԱԾ ՄՆՈՒՄ
I. Ողջույնի խոսք:
II. Ներածություն:
Ծանուցում: Եթե դու էլ ես ինձ նման, ապա ես հաճախ եմ ունեցել հարցեր, որոնց շատ եմ ցանկացել, որ Աստված պատասխանի։ Աստվածաշնչում գրված են բաներ, կամ Աստված որոշ բաներ է թույլ տալիս և անում, որ ինձ շփոթության մեջ է գցում։ Եղել են ժամանակներ, երբ ես հուսահատված եմ եղել և բարկացած՝ մտածելով, թե ինչու Աստված պետք է նման բան թույլ տար։ Աստվածաշնչում գրվածը ինձ հաճախ է մոլորեցրել։
ՀԱՐՑ — Դուք նման մտքեր ունեցե՞լ եք։ Եթե այո, ապա բարձրացրեք ձեր ձեռքերը։
ՀԱՐՑ — Դուք հարցեր ունեցե՞լ եք, որոնց պատասխանը ստացել եք Աստծուց։ Որևէ մեկը կցանկանա՞ կիսվել իր փորձով։
Ծանուցում: Մենք դիտարկելու ենք Հիսուսի ուսուցման տեխնիկայի ասպեկտները, որը ձեզ կօգնի հասկանալ, թե ինչպես է Աստված որոշ հարցերի պատասխանում։ Մենք կկենտրոնանանք երկու բանի վրա․ «հետաձգում» և հարցերի պատասխանը ստանալու գործընթացում մեր «ներգրավման» Նրա պահանջը։ Բանալի բառերն են՝ «հետաձգում» և մեր «տեսնելու ունակությունը» ։
III. Հիսուսի արձանագրված առաջին երկարատև քարոզը. Մարկոս 4:1-20:
Ծանուցում: Սա Հիսուսի առաջին երկարատև ուսուցումն է, որ Մարկոսը արձանագրել է։
ՀԱՐՑ — Եթե դու լինեիր Մարկոսի գիրքը գրողը, Հիսուսի քարոզներից առաջինը ինչը՞ կարձանագրեիր։
ՊԱՏ․ — Մասնակիցներից ինչ-որ մեկը թող գրառի առաջարկած պատասխանները։ Դուք ինքներդ պատասխաններ մի առաջարկեք, բայց մի քանի րոպեից ինչ-որ մեկը թող բարձրաձայն կարդա գրառված պատասխանների ցանկը։
Իսկ հիմա եկեք տեսնենք, թե Մարկոսը ինչպես է վարվել․․․
>>>> Ինչ — որ մեկը թող կարդա Մարկոս 4:1-2:
ՀԱՐՑ — Ըստ այս տողերի՝ ինչպե՞ս էր Հիսուսը խոսում մեծ բազմության հետ։
ՊԱՏ․ — Հիսուսը խոսում էր առակներով։
ՀԱՐՑ — Ի՞նչ է առակը։
ՊԱՏ. — Թույլ տվեք՝ մասնակիցները պատասխանեն, իսկ հետո էլ դուք կարող եք ավելացնել, որ առակները պատմություններ են կամ էլ փոխաբերություններ՝ ընդարձակ փոխաբերութուններ։ Փոխաբերությունն այն է, երբ մի բանը ներկայացվում է բոլորովին այլ բանի միջոցով։ Օրինակ՝ «նա ցուլի պես ուժեղ է» արտահայտութունում օգտագործվում է ուժեղ կենդանին՝ որպես սիմվոլ՝ նկարագրելու ֆիզիկական ուժը, որը կարող է վերաբերել մարդուն կամ մեկ այլ արարածի։
Ա․ Սերմնացանի առակը։
>>>> Ինչ — որ մեկը թող կարդա Մարկոս 4:3-8:
Ծանուցում: Երրորդ տողն օգնում է մեզ հասկանալ, որ այս առակը գյուղատնտեսության վերաբերյալ է լինելու։ Քանի որ Հիսուսը գործ ուներ գյուղատնտեսական համայնքի հետ, Նա օգտագործեց մի բան, որ բոլորին հասկանալի կլիներ։ Մենք, որ հիմնականում քաղաքում ենք մեծացել, մի քիչ օգնության կարիք կզգանք՝ հասկանալու այն, ինչ այն օրերին Հիսուսին լսողների համար շատ պարզ էր։
ՀԱՐՑ — Եթե դու սերմը ցանես կոշտ հողակտորի վրա, այն կաճի՞:
ՊԱՏ․ — Իհարկե ո՛չ, հողը պետք է փխրեցված կամ թթվածնով հարուստ լինի։
ՀԱՐՑ — Չորրորդ տողն ի՞նչ է նշանակում։ Ճանապարհի եզերքին ընկած սերմը, որ թռչունները կերան, ի՞նչ է նշանակում։
ՊԱՏ․ — Կարծր հողի պարագայում չի գործի։ Առակում ճանապարհի կարծրությունը թույլ չի տալիս սերմին հողի մեջ մխրճվել և ծիլ տալ, որի պատճառով էլ մնում է հողի վրա՝ թռչուններին հասանելի։ Սերմը չի կարող ներթափանցել կարծր հողի միջով։ Սա է պատճառը, որ ֆերմերը սովորաբար պատկերվում է հողը վարելուց (հին նկարներում՝ ձիուց կապված գութանով, իսկ այսօր՝ տրակտորով)։
ՀԱՐՑ — Կարծր հողի ճշմարտությունը փաստող օրինակ կարո՞ղ եք բերել ձեր սեփական փորձառությունից։
ՀԱՐՑ — Իսկ հինգերորդ տողն ի՞նչ է նշանակում։ Քարքարոտ հողի վրա ընկած սերմն ի՞նչ է նշանակում։
ՊԱՏ․ — Քարքարոտ հողը նշանակում է, որ արմատների զարգացման համար հողը բավարար խորություն չունի։ Հողը, որը բավարար խորություն չունի, թույլ չի տալիս արմատներին մեծանալ, որպեսզի կարողանա բույսը սնել։ Երբ վատ եղանակներն սկսվում են, հատկապես ամռան ուժեղ արևին արմատներն արդեն պետք է զարգացած լինեն, հակառակ դեպքում բույսը կթառամի և պտուղ չի տա:
ՀԱՐՑ — Քո հոգևոր կյանքում նման բան եղե՞լ է, որ Քրիստոսի հետ քո հարաբերության մեջ բավարար հոգևոր պատրաստվածություն կամ խորություն չես ունեցել և ձախողվել կամ «թառամել» ես ընդդիմությանն առերեսվելիս։
ՊԱՏ․ — Ինձ հետ պատահել է։ (Հնարավոր է՝ դու ցանկանաս կիսվել մի օրինակով)։
Ծանուցում: Երրորդ տիպի հողը վերաբերում է մոլախոտերին։ Հողագործությունը անմիջապես կապված է մոլախոտերի վերահսկման հետ։ Եթե մոլախոտերը չեն հեռացվում, հողի սննդարար նյութերը մոլախոտին են փոխանցվում, այլ ոչ թե բույսին։ Սովորաբար, մոլախոտերն արագ են աճում, և եթե դրանք արդեն աճել են, կարող են խեղդել ձեր սերմը կամ ստվերել՝ թուլացնելով այն և խոչընդոտելով բնականոն աճը։
ՀԱՐՑ — Ի՞նչ է հարկավոր լավ բերք ունենալու համար։
ՀԱՐՑ — Ինչպե՞ս մենք դառնանք պարարտ հող։
Բ. Հիսուսի առակը մեկնաբանելու բանալին։
>>>> Ինչ — որ մեկը թող կարդա Մարկոս 4:9:
Ծանուցում: «Shema» բառը, որը եբրայերեն նշանակում է «լսել», ունի կրկնակի իմաստ` «լսել» և «հնազանդվել»։ Այլ կերպ ասած՝ բավարար չէ ճշմարտությունը միայն լսել-հասկանալը, այլ նաև հնազանդվել է պետք ճշմարտությանը։
ՀԱՐՑ — Որքանով որ հասկացաք առակի իմաստը, այս արտահայտությունով Հիսուսն ի՞նչ էր ուզում ասել։
ՊԱՏ. — Կարծես թե Հիսուսն ասում է, որ ունկնդիրները պետք է ակտիվ լսողներ լինեն, քանզի հակառակ դեպքում նրանք չեն կարող իրապես «իմանալ» Աստծո ճշմարտությունը։
Գ. Նրանք, ովքեր չեն հասկանա։
>>>> Ինչ — որ մեկը թող կարդա Մարկոս 4:10-12:
Ծանուցում: Նրանք հարցեր տվեցին (ինչպես մենք ենք հարցեր տալիս Աստվածաշնչից), բայց Նա մասամբ, այլ ոչ ամբողջությամբ պատասխանեց նրանց։ Այնուամենայնիվ, մասամբ պատասխանը տալուց առաջ Նա ասաց շատ մտահոգիչ բան 4:11-12 — ում։
>>>> Ինչ — որ մեկը թող կարդա Մարկոս 4:11-12 նորից։
ՀԱՐՑ — Որքանո՞վ էր արդար Հիսուսի առակների օգտագործման այս ձևը։ Արդյո՞ք Նա մտածված էր մարդկանց թողնում անորոշության մեջ և, հետևաբար, փրկվելու մասին առանց էական գիտելիքների։
ՊԱՏ․ — Հնարավոր է՝ Հիսուսը մտածված էր խտրականություն դրսևորում, կամ Նա դիտմամբ էր խոսում անորոշաբար։ Այնուամենայնիվ, անգամ անորոշ առակներն էլ ստեղծում են մեր մտքի մեջ պատկերներ կամ պատմություններ։
ՀԱՐՑ — Քարոզից կամ դասախոսությունից հետո ի՞նչն եք դուք հեշտությամբ հիշում՝ պատմությունը, պատկերները, պնդումները, թե՞ կոնցեպտները։
ՊԱՏ․ — Սովորաբար մենք հիշում ենք պատկերները, որովհետև այն պատմություն է, որը կարելի է պատկերել մտքում։
Դ. Առակների բացատրությունը։
>>>> Ինչ — որ մեկը թող կարդա Մարկոս 4:13-20:
1. Ընթերցումից հետո խնդրեք խմբին բաժանվել երկու խմբի (ամենաշատը՝ երեք, բայց ցանկալի է՝ երկու)։
2. >>>> Բարձրաձայն դուք նորից կարդացեք 4:18-19 համարները խմբի համար։
3. Թող իրենք իրենց զույգի հետ ծանոթանան (եթե իհարկե իրար դեռ չեն ճանաչում) և հետո քննարկեն, թե 4:18-19 -ը ինչ է նշանակում իրենց կարծիքով։
ՀԱՐՑ — Ի՞նչն է քեզ հետ պահել և ի՞նչը կարող է քեզ հետ պահել։
4. Մնացեք խմբերով >>>> Թող ինչ-որ մեկը նորից կարդա 4:20 -ը ողջ խմբի համար։
5. Թող խմբերը պատասխանեն հետևյալ հարցին․
ՀԱՐՑ — Ուրիշներին օգնելու ի՞նչ նպատակներ ունեն։
ՀԱՐՑ — Ո՞րն է նրանց հոգևոր նպատակը։
Ծանուցում: Բոլոր խմբերը միացրու իրար և հարցրու․
ՀԱՐՑ — Կարծես թե առակը պարարտ հող լինելու մասին է, այն օգնե՞ց մեզ հասկանալու, թե ինչպես դա անել։ Ինչի՞ն մենք պետք է լսենք կամ հնազանդվենք, որպեսզի Աստծո թագավորությունը կենդանի և իրական դառնա մեր կյանքում։
ՊԱՏ․ — Թույլ տվեք նրանց պատասխանել, դուք որևէ մեկնաբանություն մի արեք, ուղղակի ավարտեք՝ ասելով. «Եկեք շարունակենք կարդալ և տեսնենք, թե Հիսուսն ի՞նչ է պատասխանում այս հարցին»։
IV. Հետագա ուսուցում՝ առակներով և մետաֆորներով․ «Ճրագներ և հոգևոր աճ», 4:21-29:
Ա. Ճրագի առակը։
>>>> Ինչ — որ մեկը թող կարդա Մարկոս 4:21-23:
ՀԱՐՑ — Ի՞նչ է կամ ո՞վ է ճրագը։
ՊԱՏ․ — Այն Հիսուս Քրիստոսի մասին ճշմարտությունն է, թե՞ հենց Հիսուս Քրիստոսն է։
ՀԱՐՑ — Այն օրերին Իր աշակերտների համար, ինչ եք կարծում, դա ի՞նչ կարող էր նշանակել։ Ինչի՞ համար Հիսուսն եկավ։
ՊԱՏ․ — Թույլ տվեք մասնակիցներին պատասխանել և հետո, եթե կարիք լինի, ավելացրեք․ «Լույսը չպետք է թաքցվի (21 a), այլ պետք է ցուցադրվի (21 b), պետք է բացահայտվի (22 a), և պետք է ի դերև հանել (22 b)»։
ՀԱՐՑ — Օգտագործելով Հիսուսի մետաֆորը՝ ինչպե՞ս պետք է մենք լույս լինենք աշխարհի համար։
ՊԱՏ․ — Մենք չենք կարող թաքցնել Աստծո կողմից մեզ տրված ճշմարտությունը կամ լույսը։ Այն պետք է ինչ-որ կերպ դրսևորվի։
>>>> Ինչ — որ մեկը թող կարդա Մարկոս 4:24-25:
ՀԱՐՑ — Հետևյալ արտահայտությունն ի՞նչ է նշանակում. «Որքա՞ն ենք մենք չափում»։
ՊԱՏ․ — Մենք ինչպե՞ս ենք Խոսքը կիրառում և ի՞նչ չափաբաժնով։ Որքա՞նն ենք վերցնում և դարձնում մերը։ Այս տեքստում գրված է, որ եթե մենք շատը վերցնենք, մեզ շատը կտրվի։ Եթե մենք մեր ունեցած լույսը չգնահատենք և չկիրառենք, ինչ ունենք, այն էլ մեզնից կվերցվի։
Ծանուցում: Իմ կյանքում էլ շատ անգամ է ակնհայտ դարձել, որ իմ վկայությունը թույլ է եղել իմ ընկերների և հարազատների շրջանում, որովհետև հենց իմ հավատքն ու հավատքի քայլերն են թույլ եղել։ Ես չէի կամենում կիսել լույսը ուրիշների հետ, որովհետև ես մտածում էի՝ իմ մեջ բավարար լույս չկա։ Աստծո հետ իմ կյանքը իմ աչքին շատ փոքր էր թվում։ Ես կցանկանայի լինել «պարարտ հող», բայց քանի որ բավարար պտուղներ չէի ունենում, կարծես թե այդ հողը չէի։
ՀԱՐՑ — Այսպիսով, ինչպե՞ս դառնանք պարարտ հող։ Ի՞նչը կօգնի մեզ ի դերև հանել լույսը։
ՀԱՐՑ — Ինչպե՞ս ես դու փխրեցնում կարծր հողը, ազատվում մոլախոտից և ջոկում քարերը, որպեսզի վերջիններս հեռացնես։
ՊԱՏ․ — Կարծր հողից, մոլախոտից ու քարերից ազատվելն ունի մեկ ընդհանուր բան՝ փորել, տակնուվրա անել գետինը: Այսպիսով, պարարտ հող ունենալու համար հողին պետք է «անհանգստացնել»։
ՀԱՐՑ — Ի՞նչ է նշանակում «հողը տակնուվրա անել»։
ՊԱՏ. — Թույլ տվեք մասնակիցներին պատասխանել և ապա ավարտեք վերջնական հարցով։
ՀԱՐՑ — Թույլ տալով փորձություններ և վշտեր՝ Աստված վարո՞ւմ է ձեր կյանքը։

ԱՍՏՎԱԾԱՇՆՉՅԱՆ ՀՂՈՒՄՆԵՐ

Մարկոս 4:1-25
Սերմնացանի առակը
(Մտթ. 13.1-9, Ղուկ. 8.4-8)
1 Հիսուսը դարձյալ սկսեց ուսուցանել լճի մոտ։ Նրա շուրջը մեծ բազմություն հավաքվեց, դրա համար նա նավի մեջ նստեց, իսկ ողջ բազմությունը մնաց ցամաքում՝ լճի մոտ։ 2 Նրանց շատ բաներ էր ուսուցանում առակներով և ասում. 3 «Լսե՛ք. ահա սերմնացանը դուրս եկավ սերմ ցանելու։ 4 Եվ սերմանելիս մի քանիսը ճանապարհի եզրին ընկան. երկնքի թռչունները եկան ու կերան դրանք։ 5 Մյուսները քարքարոտ տեղ ընկան, որտեղ շատ հող չկար. հողի խոր չլինելու պատճառով արագ բուսնեցին։ 6 Բայց երբ արեգակը ծագեց, տաքացավ, արմատ չունենալու պատճառով չորացան։ 7 Մեկ այլ մասը փշերի մեջ ընկավ. փշերը բարձրացան ու խեղդեցին դրանց, և պտուղ չտվեցին։ 8 Մյուսները պարարտ հողի մեջ ընկան, բուսնելով ու աճելով՝ պտուղ տվեցին. մեկը՝ երեսուն, մեկը՝ վաթսուն, մեկն էլ՝ հարյուր»։ 9 Եվ ասում էր. «Ով լսելու ականջ ունի, թող լսի»։
Հիսուսը մեկնում է սերմնացանի առակը
(Մտթ. 13.18-23, Ղուկ. 8.11-15)
10 Երբ Հիսուսը մենակ մնաց, ովքեր նրա հետ էին, ինչպես նաև տասներկու աշակերտները, նրան հարցրին այդ առակի մասին։ 11 Եվ նա ասաց նրանց. «Ձեզ տրված է, որ Աստծու արքայության խորհուրդն իմանաք, սակայն նրանց, որ դրսում են, ամեն բան առակներով է ներկայացվում, 12 որպեսզի
ինչքան էլ նայեն, չտեսնեն,
ինչքան էլ լսեն, չիմանան.
չլինի թե դարձի գան,
ու նրանց մեղքերը ներվեն (Ես. 6.9-10)»։
13 Եվ նրանց ասաց. «Եթե այս առակը չեք հասկանում, ապա ինչպե՞ս եք հասկանալու մյուս բոլոր առակները։ 14 Սերմնացանը Աստծու խոսքն է սերմանում։ 15 Ճանապարհի եզրին ընկածները նրանք են, որոնց մեջ սերմանվում է խոսքը, բայց երբ լսում են, սատանան իսկույն գալիս է և վերցնում նրանց սրտերի մեջ սերմանված խոսքը։ 16 Այդպես էլ քարքարոտ տեղում սերմանվածները նրանք են, որոնք երբ խոսքը լսում են, ուրախությամբ իսկույն ընդունում են այն։ 17 Բայց իրենց մեջ արմատ չունեն և ժամանակավոր են։ Հետո երբ այդ խոսքի համար նեղություն կամ հալածանք է լինում, իսկույն հրաժարվում են։ 18 Փշերի մեջ սերմանվածները նրանք են, որոնք խոսքը լսում են, 19 բայց աշխարհիս հոգսերն ու հարստության պատրանքը և ուրիշ ցանկությունները ներխուժում են, խոսքը խեղդում և անպտուղ են դարձնում։ 20 Բայց պարարտ հողի մեջ սերմանվածները նրանք են, որոնք լսում են խոսքը, ընդունում և պտուղ են տալիս. մեկը՝ երեսուն, մեկը՝ վաթսուն, մեկը՝ հարյուր»։
Ճրագի օրինակը
(Ղուկ. 8.16-18)
21 Եվ նրանց ասաց. «Մի՞թե ճրագը բերվում է, որ գրվանի կամ մահճի տակ դրվի. չէ՞ որ ճրագակալի վրա պիտի դրվի։ 22 Այդպես էլ չկա ծածուկ բան, որ հայտնի չդառնա, և չի եղել մի գաղտնիք, որ հայտնի չի դարձել։ 23 Ով լսելու ականջ ունի, թող լսի»։
24 Եվ նրանց ասաց. «Ուշադի՛ր եղեք, թե ի՛նչ եք լսում. ինչ չափով որ չափեք, նույնով էլ ձեզ համար կչափեն, և ձեզ՝ լսողներիդ, կավելանա։ 25 Որովհետև ով ունի, նրան կտրվի, իսկ ով չունի, նրանից կվերցվի նաև այն, ինչ ունի»։