ՄԱՐԿՈՍ 5:21-43 ԴԱՍ # 10
ԱՆՄԱՔՈՒՐՆԵՐԻ ՀԵՏ ԱՌՆՉՎԵԼԻՍ
I. Ողջույնի խոսք:
II. Ներածություն:
Ա. Հիսուսի մասին պատմությունների նպատակը. նրանք բացահայտում են Աստծուն։
ՀԱՐՑ — Եթե ինչ-որ մեկը ձեզ հարցներ, թե Աստված իրականում ինչպիսին է, դուք ի՞նչ կպատասխանեիք։
ՊԱՏ․ — Թվարկեք նրանց պատասխաններից մի քանիսը, և ավելի ուշ` այս դասի վերջում, մենք նորից կանդրադառնանք դրանց։
Ծանուցում: Մենք բոլորս էլ հասկացել ենք, որ մարդուն իրապես ճանաչելու համար նրան պետք է ճանաչել ոչ միայն խոսքով, այլ նաև գործով։
ՀԱՐՑ — Որևէ մեկը կարո՞ղ է այս թեմայի շուրջ օրինակ բերել։ Որտե՞ղ եք դուք սովորել ճշմարտապես մարդուն ճանաչել իրենց գործերով, այլ ոչ թե ուղղակի խոսքով։
ՊԱՏ․ — Մի քանի օրինակ լսելուց հետո համառոտ ձեր օրինակով էլ կիսվեք։
Ծանուցում: Այսպիսով, ո՞վ է Աստված։ Մենք՝ քրիստոնյաներս, ասում ենք, որ Աստվածաշնչում մենք արձանագրված ունենք, թե Աստված ի՞նչ է արել անցյալում։ Մենք ունենք ավետարաններում լավագույնս արձանագրված Հիսուսի գործերը։ Այսպիսով, մեր լավագույն պատասխանն այն է, որ Աստծո ճշմարիտ էությունը կբացահայտվի Իր գործերով։ Մենք՝ քրիստոնյաներս, պնդում ենք, որ Հիսուսը լիակատար Մարդ էր և լիակատար Աստված։ Այսպիսով, թե ո՞վ է իրականում Աստված, կբացահայտվի Հիսուսի գործերով։ Մենք՝ քրիստոնյաներս, արդարացիորեն ենք պնդում, որ Աստված երբեք չի փոխվում, և եթե Աստված (մարդու մարմնում) գործեր այնպես, ինչպես Հիսուս Քրիստոսի կյանքում էր գործել, ապա այսօր էլ նույն կերպ կգործեր։ Այսպիսով, ամենակարևորը սա է. ՆԱՅԻՐ ՀԻՍՈՒՍԻՆ։ Հինգերորդ գլխի մնացած մասը Հիսուսի գործերի մասին պատմություններ են, այսինքն՝ այ՛ն մասին, թե ով է Աստված։
Բ. Հիսուս Քրիստոսի ով լինելու իմացության կիրառելիությունը. մենք գիտենք, որ մենք կարող ենք վստահել Նրան։
Ծանուցում: Մոտակա շաբաթներում և ամիսներում ձեզանից ոմանք ձեր կյանքի կարևորագույն որոշումները կկայացնեք։ Դուք ցանկանում եք Աստծուն դառնալ առաջնորդության համար, բայց վախենում եք՝ մտածելով, թե Իր խորհրդին հետևելն ուր կառաջնորդի։ Դուք լսել եք՝ «վստահեք Աստծուն», բայց դուք վախենում եք, որ Աստծո խորհրդին հետևելը վտանգի կենթարկի ձեր ուրախությունը։
ՀԱՐՑ — Եթե մենք թույլ տանք Աստծուն վերահսկել մեր կյանքը, եթե մենք ճշմարտապես Իրեն խնդրենք «Տեր» լինել մեր կյանքում, ապա ի՞նչ կլինի մեզ հետ։
Ծանուցում: Թե Աստված ինչ կանի ձեզ հետ, էականորեն կախված է նրանից, թե ով է Աստված։ Այսպիսով, դարձյալ մենք պետք է ՆԱՅԵՆՔ ՀԻՍՈՒՍԻՆ, և եթե մենք սիրենք Նրան, ապա Աստծուն էլ կընդունենք։ Եթե մեզ դուր չգան Հիսուսի գործերը, ապա մեզ նաև դուր չի գա, թե Ատված ինչ կարող է անել մեզ հետ։ Գործողությունները խոսքերից ավելի պերճ են «խոսում»։
III. Հաջողելու հնարավորությունը. Մարկոս 5:21-24։
>>>> Ինչ-որ մեկը թող կարդա Մարկոս 5:21-24:
ՀԱՐՑ — Այս հոգևոր առաջնորդն ի՞նչ էր ուզում։
ՊԱՏ․ — Նա օգնություն էր խնդրում իր երեխայի համար, բայց բազմությունը խանգարում էր։
ՀԱՐՑ — Ի՞նչ են մեզ ասում 21 և 24 համարները բազմության մասին։
ՊԱՏ․ — Հիսուսը մեծ բազություն էր հավաքել։ Սա հաջողության չափանիշ էր՝ առնվազն, Իր գործով հետաքրքրված մարդկանց քանակության առումով։ Նա ճանաչված էր, և մարդկանց բազմությունն ամենուր էր: Նա նման էր քաղաքական գործչի, կամ՝ ռոք աստղի, կամ՝ հայտնի մարզիկի, կամ էլ՝ կինոյի աստղի։ Այնուամենայնիվ, հասարակության մի շերտ կար, որի շրջանում Հիսուսը ժողովրդավարություն չուներ ․․․
ՀԱՐՑ — Ձեզանից քանի՞սն են երիտասարդների հետ աշխատել կամ այդ ծառայության ղեկավար եղել։
ՀԱՐՑ — Որքանո՞վ է կարևոր բարձրաստիճան ծնողներին գոհացնելը։
Ծանուցում: Հիսուսն արդեն խնդիրներ ուներ Երուսաղեմի որոշ դպիրների հետ (3:22)։ Նրանք արդեն Հիսուսին դեմ էին․ սինագոգի պաշտոնյայի երեխային բուժելը կօգներ Հիսուսին։ Բազմությունը Հիսուսի կողմից էր, բայց Նա չուներ հասարակության առաջնորդների դասի մի մասի հավանությունը։ Մյուս կողմից, այդ բազմությունը խանգարում էր Հիսուսին ավելի հզոր և պաշտոնով մարդկանց օգնելուն։
Ծանուցում: Մերձավոր Արևելքում և Արևմուտքի որոշ մասերում երեխաները ծնողների ողջ կյանքի իմաստն են։ Օգնել երեխային նույնն է, թե օրհնել ծնողին։
IV. Խոչընդոտված՝ պարտվողների կողմից․Մարկոս 5:25-34:
>>>> Ինչ-որ մեկը թող կարդա Մարկոս 5:25-28:
Ա. Հիսուսի արտասովոր ելույթը․ տարօրինակ հարցը, Մարկոս 5:25-30։
Ծանուցում: Մենք գիտենք, որ Հիսուսը բազմության մեջ էր։ 5:24 համարում մենք տեսնում ենք, որ բազմությունը մեծ էր, և Հիսուսի կողմից անմիջական միջամտություն և գործողություն էր պահանջվում։
ՀԱՐՑ — Ինչպե՞ս արձագանքեցին Իր աշակերտները, երբ Հիսուսը ցանկացավ իմանալ, թե ով Իրեն ձեռք տվեց։
ՊԱՏ․ — Հիսուսի շուրջն այդքան մարդ խռնված լինելու պարագայում հարցնել՝ «Ո՞վ ձեռք տվեց ինձ», լիովին անհեթեթ էր՝ ըստ Իր աշակերտների։
Ծանուցում: Նրա արյունահոսությունը համարվում էր շարունակական ամսեկանի ցիկլ, և հետևաբար, վերջին 12 տարում նա համարվում էր անմաքուր։
>>>> Բացեք Ղևտական 15:25-28-ը, և ինչ-որ մեկը թող կարդա այս տողերը։
Ծանուցում: Հրեական օրենքը սովորեցնում էր, որ ամսեկանի մեջ կնոջը չէր կարելի ձեռք տալ։ Արյունը խորապես հարգվում էր, և այն խորհրդանշում էր «կյանք»։ Աստծո կողմից տրված այս օրենքի նպատակը սեռական ոտնձգություններից կնոջը պաշտպանելն էր ամսեկանի օրերին՝ բարդ և տհաճ իրավիճակներից խուսափելու համար։ Այս կնոջ արյունահոսությունն արտասովոր էր (12 տարի տևողությամբ), և օրենքն ստեղծվել էր կնոջն օրհնելու համար, այլ ոչ թե մեկուսացնելու։ Այս կինն իր հիվանդության պատճառով էր հալածված։ Բայց օրենքն այս նպատակով չէր ստեղծված։
ՀԱՐՑ — Ի՞նչ եք կարծում, այդ կինն ինչպե՞ս էր իրեն զգում։
ՀԱՐՑ — Ի՞նչ եք կարծում, իր համայնքում նա ինչպե՞ս էր ընդունվում։
>>>> Ինչ-որ մեկը թող կարդա Մարկոս 5:29-30:
ՀԱՐՑ — Ինչո՞ւ կինը հպվեց Հիսուսին։
ՊԱՏ․ — Տե՛ս Մարկոս 3:10, 6:56 հատվածները։
>>>>Կարդացեք լսարանի համար Մարկոս 3:10 և 6:56 հատվածները։
Նա ցանկանում էր բժշկվել և հավատում էր, որ եթե դիպչի Հիսուսին, ապա կբժշկվի։ Նա էլ, ինչպես բոլորը, բժշկող մարդուն դիպչելն ասոցացնում էր բժշկվելու հետ։
Բ. Արտասովոր ելույթի մոտիվացիան․Մարկոս 5:31-34։
>>>> Ինչ-որ մեկը թող կարդա Մարկոս 5:31-34:
ՀԱՐՑ — Ինչո՞ւ Հիսուսը հարցրեց, թե ով իրեն դիպավ։ Ի՞նչ նպատակ էր նա հետապնդում։
ՊԱՏ․ — Կարծես թե բավականին անհեթեթ էր նման հարց տալը։ Տե՛ս 5:31-ը։
>>>> Ինչ-որ մեկը թող նորից կարդա 5:31-ը։ Նրանք, անկասկած, չէին մտածում, որ Հիսուսի հարցը տեղին էր։
ՀԱՐՑ — Հասարակության ուշադրությունը հրավիրելով Իր պղծվելու հանգամանքին՝ Նա շահե՞ց, թե վնասեց Իր կրոնական հեղինակությունը։
Ծանուցում: Նման հրապարակային բացահայտումը կնոջն անկասկած պետք է որ վախեցրած լիներ։ Որոշակի տեսանկյունից՝ Հիսուսի արածն անբարեկրթություն էր։ Պատկերացրեք. դուք ստիպված եք խոստովանել, որ հայտնի Րաբբիին պղծել եք։ Պատկերացրեք՝ այս արարքով Հիսուսն ինչպիսի դատապարտություն էր բերում այդ կնոջ գլխին՝ ավելի վատթարացնելով կնոջ՝ առանց այն էլ ցածր կարգավիճակը։
Առաջին հայացքից Հիսուսը միշտ չէ որ բարյացակամ էր։
ՀԱՐՑ — Ինչպե՞ս կարող էր Հիսուսի հարցը և հրապարակայնորեն կնոջը դիմելը օգնել վերջինիս։
ՊԱՏ․ — Հնարավոր է, որ այսպես վարվելով՝ Հիսուսը չէր ցանկանում նրան հաճոյանալ, այլ ցանկանում էր օրհնել հետևյալ ձևերով․
1. Կինը հավատքով քայլ արեց առ Աստված։ Հիսուսն օգնեց նրան հասկանալ, թե իրեն ձեռք տալն իրականում ինչ է նշանակում։ Հիսուսը տեղեկացրեց, սովորեցրեց կնոջը՝ մեկնաբանելով նրա արարքը։
>>>>> Նորից կարդացեք 5:34 հատվածը։
2. 34-րդ հատվածի Իր խոսքում աղջկան տեղեկացվում է ինչպես նորից գտնել Աստծուն։ Այն, ինչ իրեն փրկել էր, հավատքն էր, այլ ոչ թե մոգությունը։ Տերը հավատք էր ցանկանում տեսնել, այլ ոչ թե մոգությամբ հիացած բազմություն։
3. Նա գուցե ուներ բազմաթիվ կարիքներ, բայց հիմա նա գիտեր, թե ինչպես նորովի գտնել Աստծուն։ Նա այժմ գիտեր, թե ինչպես հարաբերություն հաստատի Նրա հետ։ Հիսուսը նրան տալիս էր Աստծո հեռախոսի համարը՝ հավատքը։ Հավատքը նրա համար սահմանվում էր՝ որպես ֆիզիկական գործողություն, գործողություն, որը ռիսկային էր։ Նա առ Աստված դարձավ ոչ թե մտքով, այլ ֆիզիկական գործողությամբ։
4. Հիսուսը նրան կոչեց դուստր և ասաց նրան, որ խաղաղությամբ հեռանա։ Նա նրան հասկացրեց, որ Ինքը բարկացած չէր։ Բաժանվելիս արած արտահայտությամբ Նա հասկացրեց կնոջը, որ չի բարկանում, որ Իրե պղծել էր։
ՀԱՐՑ — Կարևո՞ր է մարդկանց տեղյակ պահել, որ մենք նրանց վրա բարկացած չենք։
ՀԱՐՑ — Ինչո՞ւ։
ՊԱՏ․ — Հիշեք այն ժամանակները, երբ դուք մտահոգված եք եղել՝ մտածելով, թե ձեզ համար շատ կարևոր հեղինակությունն արդյո՞ք բարկացած է ձեզ վրա, թե՝ ոչ։ Շատ կարևոր է մարդկանց ասել, թե ինչը կարող է նրանց վնասել, բայց նաև կարևոր է մարդկանց տեղյակ պահել, երբ դուք բարկացած չեք։
Ծանուցում․ — «Գնա խաղաղությամբ» արտահայտությունը բառացիորեն նշանակում էր «գնա shalom-ով»։ «Շալոմ» կամ «խաղաղություն» բառը եբրայերենում նշանակում է ավելին, քան միայն կոնֆլիկտի բացակայություն․ այն նշանակում է ամբողջականություն, ներդաշնակություն։ Նա ասաց նրան․ «Ամեն ինչ լավ է․ դու ոչ միայն խաղաղ ես, այլ նաև ներդաշնակ ինձ հետ, Աստծո հետ»։
Ծանուցում․ Հին Կտակարանում «խաղաղության» զոհաբերությունը եբրայերենում կոչվում էր «Shalomim»։ Զոհաբերությունը խորհրդանշում էր, որ դուք, հոգևորականները, ձեր հարևանները և Աստված ներդաշնակ են, խաղաղ են իրար հետ և համահունչ՝ իրականությանը։ Հաճախ այն կոչվում է «Հաղորդության զոհաբերություն»։
V. Հիմա հետ գնանք Հայրոսին և հաջողվելու շանսերին․ Մարկոս 5:35-43։
Ա. Քնի նպատակը․ զորությունը թաքցնելը:
>>>> Ինչ-որ մեկը թող կարդա Մարկոս 5:35-36։
Ծանուցում: Պետք է նկատել այստեղ, որ ծնողներն անկասկած սկսում էին ընկղմվել սարսափելի վշտի մեջ։ Հիսուսը տիրական ասաց նրանց, որ խուճապի չմատնվեն, չվախենան, բայց «միայն հավատան»։
Ծանուցում: Կնոջ կարիքները Հիսուսն իրենց դստեր հրատապ կարիքից առաջնային համարեց․ Հիսուսը թույլ տվեց ընդհատումը։ Խոնարհ կնոջ հանդեպ բարի լինելու համար ժամանակ տրամադրվեց, որը կարող էր օգտագործվել հասարակությունում կարևոր մարդկանց համար։ Կարծես թե Հիսուսը տրամադիր էր հեղինակությունների հետ խնդիրներ ունենալուն, քանի որ Նա ժամանակ էր հատկացնում նրանց համար, ովքեր համարվում էին անկարևոր աղքատ մարդիկ։ Ավետարանները շարունակաբար այսպես էին Հիսուսին ներկայացնում։ Հիսուսը կարևորում էր բոլոր մարդկանց՝ անկախ նրանց սոցիալական դիրքից։
Ավետարանները տեղեկացնում են, որ Հիսուսը նման էր Հին Կտակարանի Աստծուն (Սաղմոս 103:8)։
>>>> Ինչ-որ մեկը թող կարդա Մարկոս 5:36-40:
ՀԱՐՑ — Նկատի ունեցեք, որ Հիսուսն ասաց, որ մահացած աղջիկը քնած է։ Ինչո՞ւ Հիսուսն այսպես ասաց։
ՊԱՏ․ — Եբրայական հասարակության մեջ քունը մահվան մետաֆորն էր։ Օրինակ՝ եկեք մեջբերենք Պողոս առաքյալին, ով Հրեա էր և բնականորեն այս մահվան մետաֆորն օգտագործել էր իր գրվածքներից մեկում:
>>>> Ինչ-որ մեկը թող կարդա Բ Թս․ 5:10-ը։ Այսպիսով, երբ Հիսուսն ասաց, որ աղջիկը քնած է, հնարավոր է՝ իր խոսքը բառացիորեն է ընկալվել աղջկա քնած լինելու առումով կամ կարող է նաև փոխաբերական է ընկալվել, այսինքն՝ նա մահացած էր։ Հիսուսը միտումնավոր էր երկիմաստորեն խոսում։ Նա պատճառ ուներ։ Հնարավոր է՝ սա մեկ այլ բան էլ է նշանակում։ Հնարավոր է՝ Հիսուսը նկատի ուներ, որ աղջիկը մահացած չէր, այլ՝ ուղղակի կոմայի մեջ։ Ինչու Հիսուսն այսպես խոսեց, առաջին հայացքից այնքան էլ հասկանալի չէր, և նրա խոսքերը հանելուկային էին կարծես։
ՀԱՐՑ — Նկատի ունեցեք, որ 40-րդ համարում միայն ծնողներին և իր երեք աշակերտներին թույլ տվեց ներս մտնել․ ինչո՞ւ Նա այսպես վարվեց։
ՊԱՏ․ — Կարծես թե Նա միտումնավոր էր ուզում թաքցնել այն, ինչ Նա պատրաստվում էր անել։ Նա միայն հինգ մարդու թույլ տվեց մտնել սենյակը, որտեղ մահացած աղջիկն էր պառկած։ Նա չցանկացավ, որ այլ մարդիկ ականատես լինեին կատարվելիքին։ Ինչո՞ւ էր Նա այսպես վարվում, պարզ կդառնա, երբ մենք շարունակենք մեր ընթերցանությունը։
Բ. Զորության ցուցադրումը․ հարությունը մեռելներից։ Մարկոս 5:41-43։
>>>> Ինչ-որ մեկը թող կարդա Մարկոս 5:41-43:
Ծանուցում: Հիսուսը դիպավ նրան: Մահացած մարդուն ձեռք տալով՝ Հիսուսը կրկին պղծվեց։ Այնուամենայնիվ, հակառակ այն բանի, որ ծիսականորեն Նա պղծվեց, Հիսուսն աղջկա ձեռքը բռնեց։ Հիսուսն ավելի հետաքրքրված և մտահոգված էր մարդկանց բարօրությամբ, քան թե օրենքների հնարավոր տարատեսակ մեկնաբանությունների կիրառությամբ։
ՀԱՐՑ — Ինչո՞ւ Նա նրանց կարգադրեց, որ աղջկան ինչ-որ բան տան ուտելու։
ՊԱՏ․ — Հիսուսի սերը գործնական էր։ Նա անկասկած ցույց տվեց, որ Ինքը մտահոգված է երեխայի որպիսությամբ։
Ծանուցում: Հնարավոր է՝ սա էր պատճառներից մեկը, որ Նա այնպես արեց, որ թվա, թե աղջիկը կոմայի մեջ է և ընդամենը քնած է, այլ ոչ մահացած։ Սա կարող է նաև պատճառներից մեկը լինել, որ Նա միայն աղջկա ծնողներին և Իր մտերիմ աշակերտներին թույլ տվեց տեսնել կատարվածը։ Հետո Նա արգելեց աղջկա՝ մեռելներից հարություն առնելու թեմայով որևէ տեղ խոսելը։ Նա չօգտագործեց այս աղջկան որպես միջոց՝ Իր հեղինակությունը հասարակության մեջ բարձրացնելու։ Նա թույլ չտվեց, որ բազմությունն աղջկա հետ կատարվածը «թատրոն» դարձներ։ Նա այնպես արեց, որ մարդիկ մտածեին, որ աղջիկը կոմայի մեջ է։ Անգամ եթե նման ձևով վարվելը Հիսուսից հեռացրեց ժողովրդավարության փառքը, Նա ցույց տվեց, որ Ինքն օրհնել է ցանկանում, այլ ոչ թե տպավորություն գործել մարդկանց վրա։

ԱՍՏՎԱԾԱՇՆՉՅԱՆ ՀՂՈՒՄՆԵՐ

Մարկոս 3:10
10 Քանի որ շատերին էր բժշկել, արդ ովքեր տառապում էին հիվանդություններից, նրա վրա էին թափվում նրան դիպչելու համար։

Մարկոս 5:21-43
21 Երբ Հիսուսը նավով դարձյալ լճի մյուս կողմն անցավ, նրա շուրջը շատ ժողովուրդ հավաքվեց։ Եվ նա լճի ափին էր։ 22 Եվ ահա եկավ ժողովրդապետներից մեկը, անունը՝ Հայրոս։ Երբ Հիսուսին տեսավ, նրա ոտքերի առաջ ընկավ. 23 նրան շատ էր աղաչում և ասում. «Աղջիկս մահամերձ է։ Արի՛, ձեռքդ վրա՛ն դիր, որպեսզի բժշկվի ու ապրի»։ 24 Եվ Հիսուսը գնաց նրա հետ։ Նրան մեծ բազմություն էր հետևում, որը և նեղում էր նրան։
25 Մի կին կար, որ տասներկու տարի արյունահոսություն ուներ։ 26 Նա բազում բժիշկների կողմից շատ էր չարչարվել, իր ամբողջ ունեցվածքը վատնել ու ոչ մի օգուտ չէր ստացել, ընդհակառակը, ավելի էր վատացել։ 27 Երբ Հիսուսի մասին լսեց, ամբոխի միջով նրա հետևի կողմը եկավ և նրա հագուստին դիպավ, 28 որովհետև ասում էր. «Եթե միայն նրա հագուստին դիպչեմ, կբժշկվեմ»։ 29 Նրա արյունահոսությունն անմիջապես դադարեց, և իր մարմնի մեջ զգաց, որ իրեն տանջող հիվանդությունից բժշկվեց։ 30 Հիսուսն էլ միևնույն ժամանակ իր ներսում զգաց, որ իրենից զորություն դուրս եկավ։ Նա դեպի բազմությունը դարձավ ու ասաց. «Իմ հագուստին ո՞վ դիպավ»։ 31 Նրա աշակերտներն ասացին նրան. «Տեսնում ես, որ բազմությունը քեզ նեղում է, և հարցնում ես՝ “Իմ հագուստին ո՞վ դիպավ”»։ 32 Բայց նա շուրջն էր նայում, որ այդ բանն անողին տեսնի։ 33 Այդժամ կինը, իմանալով այն, ինչ իրեն պատահեց, վախեցած ու դողալով եկավ, նրա առաջ ընկավ և ամբողջ ճշմարտությունն ասաց նրան։ 34 Հիսուսն ասաց նրան. «Դո՛ւստր, քո հավատը քեզ փրկեց. գնա՛ խաղաղությամբ ու քո հիվանդությունից բժշկվա՛ծ եղիր»։
35 Նա դեռ խոսում էր, երբ ժողովրդապետի տնից եկան ու ասացին. «Աղջիկդ մեռավ, էլ ինչո՞ւ ես Վարդապետին նեղություն տալիս»։ 36 Հիսուսը հենց այս խոսքերը լսեց, ժողովրդապետին ասաց. «Մի՛ վախենա, այլ միայն հավատա՛»։ 37 Եվ ոչ ոքի թույլ չտվեց, որ իր հետ գնա, բացի Պետրոսից, Հակոբոսից ու Հակոբոսի եղբորից՝ Հովհաննեսից։ 38 Երբ ժողովրդապետի տուն եկավ, այնտեղ իրարանցում և լացուկոծ տեսավ։ 39 Ներս մտավ և նրանց ասաց. «Ինչո՞ւ եք իրար անցել ու լաց լինում։ Երեխան մեռած չէ, այլ քնած է»։ 40 Իսկ նրանք ծիծաղում էին նրա վրա։ Բայց նա բոլորին դուրս արեց և վերցնելով երեխայի հորն ու մորը և իր հետ եկածներին՝ մտավ այնտեղ, որտեղ երեխան էր պառկած։ 41 Հիսուսը, երեխայի ձեռքը բռնելով, նրան ասաց. «Տալի՛թա, կո՛ւմի», որ նշանակում է՝ «Աղջի՛կ, ասո՛ւմ եմ քեզ, վե՛ր կաց»։ 42 Աղջիկն իսկույն վեր կացավ ու ման էր գալիս, որովհետև մոտ տասներկու տարեկան էր։ Բոլորը շատ զարմացան։ 43 Հիսուսը նրանց խստիվ պատվիրեց, որ ոչ ոք դրա մասին չիմանա, և ասաց, որ նրան ուտելու բան տան։

Մարկոս 6:56
56 Եվ ուր որ մտնում էր՝ գյուղեր, քաղաքներ թե ագարակներ, հիվանդներին հրապարակներում էին դնում ու նրան խնդրում էին, որ գոնե հագուստի քղանցքին դիպչեին։ Եվ ովքեր որ նրան դիպան, բժշկվեցին։

Ղևտական 15:25-28

25 Եթե մի կնոջ արյունը, առանց դաշտանի ժամանակը լինելու, ծորում է շատ օրեր կամ իր դաշտանից ավելի է ծորում, նրա անմաքրության այդ բոլոր օրերը պետք է համարվեն դաշտանի օրերի պես. նա անմաքուր է։ 26 Ամեն անկողին, որի մեջ նա կպառկի իր ծորումի բոլոր օրերին, իր դաշտանի անկողնու պես պիտի լինի իր համար. և որևէ բանի վրա, որ նա նստի, իր դաշտանի անմաքրության պես անմաքուր պիտի լինի։ 27 Ով որ դիպչի դրանց, անմաքուր պիտի լինի և պետք է լվանա իր հագուստները, ինքն էլ լվացվի ջրով և անմաքուր կլինի մինչև երեկո։ 28 Երբ այդ կինը մաքրվի իր ծորումից, պետք է հաշվի յոթ օր, որից հետո մաքուր կլինի։

Ա Թս․ 5:10

Որովհետև Աստված մեզ բարկության համար չի սահմանել, այլ փրկություն ստանալու համար մեր Տեր Հիսուս Քրիստոսի միջոցով, 10 որ մեզ համար մեռավ, որպեսզի արթուն լինենք, թե քնած, նրա հետ ապրենք։