ՄԱՐԿՈՍ 8:34-9:1 ԴԱՍ # 20
ԿԱՆՉ ԴԵՊԻ ՓԱՌՔ

I. Ողջույնի խոսք:

II. Ներածություն:
Ծանուցում: Անցած շաբաթ մենք քննարկեցինք Հիսուսի կյանքի կարևորագույն դրույթներըը։ Թույլ տվեք թարմացնել ձեր հիշողությունը։ >>>> Ունկնդիրների համար կարդացե՛ք Մարկոս 8:31։
ՀԱՐՑ — Պետրոսին դա դուր եկա՞վ։ Ինչո՞ւ՝ ոչ։
ՀԱՐՑ — Ձեզանից քանի՞սն են ճանաչում մարդկանց, ովքեր քրիստոնեական հավատքում որոշ բաներ չընդունելու պատճառով իրենց հեռու են պահում քրիստոնեությունից։ Բարձրացրե՛ք ձեր ձեռքերը, եթե դուք ճանաչում եք այսպիսի մարդկանց։
ՀԱՐՑ — Քրիստոնեության մեջ կա՞ն ինչ-որ բաներ, որ ձեզ դուր չեն գալիս։ Ինչպես Պետրոսն արեց, ձեզանից ո՞վ կարող է բարձրաձայնել այն բաների մասին, որ կամ ձեզ դուր չեն գալիս հիմա, կամ առաջ դուր չեն եկել։
ՊԱՏ․ — Պետրոսի պարագայում նա դեմ էր Հիսուսի կողմից հիշատակված խաչին և մերժմանը, որին, ըստ Հիսուսի, Նա պետք է առերեսվեր։ Պետրոսն իրականում սիրում էր Հիսուսին։ Միգուցե նա այլ եսակենտրոն պատճառներ ուներ, բայց նա չէր ցանկանում կորցնել այն մարդում, ում նա աշխարհում ամենաշատն էր սիրում։ Այնուամենայնիվ, Պետրոսը կարող էր ունեցած լինել այլ դրդապատճառներ։ Հիսուսի հետ կատարվածը կարող էր նաև Պետրոսի հետ կատարվել։ Այսօրվա մեր դասը կօգնի մեզ հասկանալ, թե Հիսուսի տառապանքը, մերժվելը, մահը և հարություն առնելը ինչ կարող էր նշանակել Իր աշակերտների համար։
III. Աստծո կանչը․ Մարկոս 8:34։
>>>> Ինչ-որ մեկը թող կարդա Մարկոս 8:34։
ՀԱՐՑ — Ի՞նչ էր սա նշանակում։ Ի՞նչ է սա նշանակում քեզ համար։
ՊԱՏ․ — Միգուցե ավելի հարմար կլինի, որ ինչ-որ մեկը գրառումներ անի կամ գրի պատասխանները գրատախտակին։
Ծանուցում: Թույլ տվե՛ք մի քանի իդեաներ ավելացնել կամ ձեր իդեաներից մի քանիսն այլ կերպ ձևակերպել։
1) Ուշադրությո՛ւն դարձրեք «եթե» բառի վրա։ Հիսուսը չստիպեց, այլ առաջարկեց։ Մարդը պետք է ազատ լինի իր ընտրության մեջ։
2) Ուշադրությո՛ւն դարձրեք, որ Հիսուսն անկեղծ էր. Նա մարտահրավեր նետեց աշակերտներին այն առումով, որ Իրեն հետևելը կարող է նաև կյանքի գին ունենալ: Հիսուսը չխաբեց նրանց, այլ ճշմարիտն ասաց Իրեն նմանվելու դեպքում սարսափելի գին վճարելու մասին։
3) Ուշադրությո՛ւն դարձրեք, որ բանավոր խոստովանությունը բավարար չէր։ Հիշեք՝ Պետրոսը պատրաստ էր ասելու, որ Հիսուսը Մեսիան է (տե՛ս Մարկոս 8:29), բայց Հիսուսն ասաց, որ այս հարցում այլ բաներ են նախատեսված։
4) Ուշադրությո՛ւն դարձրեք, որ այդ մենք է, որ պետք է Իր ետևից գնանք, Նա մեզ չի պարտադրում անել մի բան, որ ինքը չի արել։
Ծանուցում: Այս առումով Վիլյամ Բարքլեյը մեզ հիշեցնում է, որ կար շատ հայտնի հռոմեացի քաղաքական մի գործիչ և գեներալ՝ Քվինթուս Ֆաբիուս, ով քննարկում էր իր անձնակազմի հետ, թե ինչպես ավելի բարդ դիրք գրավեր։ Ինչ-որ մեկն առաջարկեց որոշ գործողություններ՝ ասելով, որ «դա ընդամենը մի քանի մարդու կյանք կարժենա»։ Ֆաբիուսը նայեց նրան և ասաց. «Դու համաձա՞յն ես այդ մարդկանցից մեկը լինել»։ Հիսուսն այնպիսի առաջնորդ չէր, որ թեժ պատերազմի ժամանակ նստեր հեռու, ապահով մի տեղում և մարդկանց կյանքերի հետ խաղար՝ ինչպես անկարևոր շախմատի զինվորների, որոնք ենթակա են հեշտությամբ զոհաբերման (Բարքլեյ, էջ 207)։
ՀԱՐՑ — Մենք բոլորս էլ կհամաձայնենք, որ Հիսուսն արդար էր, բայց մենք կհամաձայնե՞նք նաև այն բանում, որ Հիսուսի ասած խոսքերը չափից դուրս ծանր են հնչում։
ՊԱՏ․ — 1) Աստված կարող էր Իր հետնորդներին զերծ պահած լինել տառապանքներից և փորձություններից։ Նրանք կարող էին միշտ պաշտպանված լինել դժվարություններից և ցավից, բայց Նա թույլ տվեց նրանց հաղորդակից լինելու «մասնակցության փառքին»։ 2) Գինն այս հարցում, որ պետք է վճարվեր, ստիպեց նրանց իրենց անձնակենտրոն դիրքորոշումը փոխել աստվածակենտրոնի։ 3) Հավատքը, որի մասին Հիսուսը խոսում էր, դառնում է իրական միայն այն դեպքում, երբ 8:34-ում Հիսուսի ասածը կիրառվում է իրենց կյանքում․ այն չպետք է մնար իրենց մտքի մեջ՝ որպես վերացական գաղափար։ 4) Մենք միայն գնահատում ենք այն, ինչի համար գին ենք վճարում։
Ծանուցում: Գոյություն ունի՞ թաքնվածության առեղծված։
ՊԱՏ․ — Նրանք այն մարդիկ էին, որ պետք է արքայության մեծերը դառնային, բայց նմանատիպ մեծությունը պետք է թաքնված լիներ մարդկանց մեծամասնությունից։ Չնայած Հիսուսն Ամենազոր Աստված էր, Նա առերեսվեց ցավի, մահվան և մերժվածության տառապանքին։ Շատ քիչ մարդիկ հասկացան, որ Հիսուսն իրենց համար էր տառապում։
Ծանուցում: Ես կարծում եմ, որ եթե մենք անկեղծ գտնվենք, ապա կհամաձայնենք, որ թվում է, թե առանց ուրիշների կողմից բազմաթիվ գովասանքների արժանանալու՝ դժվար կլինի նման ծանր գին վճարել Աստծուն հետևելու համար։
ՀԱՐՑ — Ու՞մ Հիսուսը թույլ տվեց լսել նման խիստ պահանջներ։ Ու՞մ էր թույլ տրված իմանալու իրական ճշմարտությունը։
ՊԱՏ․ — Ուշադրությո՛ւն դարձրեք, որ բազմությանն աշակերտների հետ միասին Հիսուսը կանչեց իր մոտ։ Բոլոր մարդկանց էլ թույլ էր տրված Հիսուսին լսել։ Հիսուսը թույլ է տալիս բոլորին լսել նման կանչը, և բոլորը լսեցին, թե նման կանչի համար ինչ գին պետք էր վճարել։ Նա ինչ-որ թյուր վարդապետության առաջնորդ չէր, որ իր նպատակների մի մասը թաքցնում է հանրությունից։ Հիսուսը չթաքցրեց ճշմարտությունը՝ հետևորդներ շահելու համար։
ՀԱՐՑ — Որո՞նք էին երեք պայմանները։
ՊԱՏ․ — 1) Պետք է անձը ուրանալ։
Ի՞նչ կլիներ, եթե բոլոր կանայք չցանկանային մայրանալ։ Ի՞նչ կլիներ, եթե տղամարդիկ իրենց ողջ ունեցածը իրենց վրա ծախսեին և չօգնեին իրենց ընտանիքներին։ Կյանքի էությունը հենց նրանում է, որ մենք ռիսկերի դիմենք և կիսվենք մեր ունեցվածքով, այլ ոչ թե կուտակենք և պահենք։ Ճիշտ է, սա հոգնածության, ուժասպառ լինելու, առավելագույնս տալու ճանապարհն է, բայց այսպես ուժասպառ լինելն ավելի լավ է, քան ժանգոտելը։ Որքան էլ տարօրինակ հնչի, Աստծուն մոտենալու և երջանկության ճանապարհը սեփական անձը ուրանալով է։ Աշակերտներին ասվում էր, որ քանի դեռ նրանք չէին ուրացել իրենց կյանքի մի մասը, նրանք չէին կարող հետևել Հիսուսին։
ՀԱՐՑ — Ահա բարդ հարց․ աշակերտները երջանիկ կլինեի՞ն, եթե վարվեին ասվածի պես։
ՊԱՏ․ — Այս հարցի շուրջ ես շատ եմ մտածել։ Այնուամենայնիվ, երկրորդ պայմանը հստակ ասում է․․․
2) Մարդ պետք է պատրաստ լինի իր խաչը կրելու։ Պետք է պատրաստ լինել զոհաբերության, և զոհաբերությունը երբեմն կարող է շատ ցավոտ լինել։
3) Աշակերտները պետք է հետևեին Հիսուսին։
ՀԱՐՑ — Արդյո՞ք անձնուրացությունն էր նպատակը։
ՊԱՏ․ — Ոչ, նպատակը Նրան հետևելն էր, այլ ոչ թե ուղղակի անձը ուրանալը։ Այստեղ խոսքը հենց այնպես փորձությունների մասին չէ, այլ Իր համար փորձությունների ենթարկվելը, հենց այնպես ուրանալու մասին չէ, այլ Իր պատվիրաններին հնազանդվելը։ Տառապանքը չէ՛ր նպատակը, այլ Իր արժեքները որդեգրելը, Իրեն հետևելը, Իրեն նմանվելը։ Ոմանք կրոնական հպարտության պատճառով կտառապեն, բայց սիրո և խոնարհության դեպքում միայն կարող են նաև հետևորդ լինել։
IV. Աստծո կանչի պատճառները. Մարկոս 8:35-37։
>>>> Ինչ-որ մեկը թող կարդա Մարկոս 8:35-37։
ՀԱՐՑ — Մարդկանց մեծամասնությունն ինչի՞ց է վախենում։ Արդյոք դա մահն է, թե՞ մեզ համար շատ արժեքավոր ինչ-որ բանի կորուստը։
ՊԱՏ․ — Թո՛ւյլ տվեք ունկնդիրներին այս հարցին պատասխանել առանց մեկնաբանության։
Ծանուցում: Ուշադրությո՛ւն դարձրեք, թե Նա ինչ պատճառներ էր առաջ բերում անձն ուրանալու, խաչը վերցնելու և Իրեն հետևելու համար։ Նա խոսեց սպառնալիքի (35 a), Խոստման (35 b) մասին և ապա առաջ քաշեց երկու հռետորական հարց (36, 37)։
ՀԱՐՑ — Ի՞նչ սպառնալիքի մասին է խոսքը 8:35 – ում։
ՊԱՏ․ — Եթե փորձես փրկել քո կյանքը, դու, միևնույնն է, կկորցնես այն։
ՀԱՐՑ — Ո՞րն էր խոստումը 8:35 -ում։
ՊԱՏ․ — Հիսուսը խոստացավ, որ եթե մեկն իր կյանքը կորցնի Իր և Ավետարանի համար, պիտի փրկի այն։ Խոստումը Հիսուսին հավատարիմ մնալու վերաբերյալ է։ Հիսուսն ասաց. «Հավատարի՛մ եղիր Ինձ և դու կհաղթես»։

Ծանուցում: Ապա Հիսուսն առաջ բերեց երկու դիտողական հարց։ Նա այս հարցերը առաջ բերեց, որովհետև ցանկանում էր, որ նրանք խորությամբ մտածեն և հասկանան, թե ինչու նրանք պետք է նման մարտահրավեր ընդունեին։
ՀԱՐՑ — Կարո՞ղ էին աշակերտները միաժամանակ և՛ հավատարիմ մնալ Հիսուսին, և՛ արժանանալ աշխարհի հավանությանը։
Ծանուցում: Հիսուսի կանչն իր մեջ պարունակում էր մեծ ռիսկեր։ Ես նկատել եմ, որ նրանք, ովքեր իրականում ամեն ինչ տալիս են Քրիստոսին, այն մարդիկ են, ովքեր ոչ թե ապրում են միայն հավիտենական կյանքի հույսով, այլ նաև լիարժեք ապրում են այս կյանքը։
V. Ընտրելով ինչից վախենալ․ Մարկոս 8:38-9:1։
>>>> Ինչ-որ մեկը թող կարդա Մարկոս 8:38-9:1:
ՀԱՐՑ — Ո՞րն էր սպառնալիքը 8:38 -ում։
ՊԱՏ. — Եթե նրանք ուրանային Հիսուսին, Նա էլ կուրանար նրանց։ Նրանք չէին կարող այս աշխարհում թաքուն քրիստոնեական կյանք ապրել և միաժամանակ ակնկալել, որ Հիսուսը հրապարակայնորեն ճանաչեր նրանց գալիք կյանքում։ Դա երբեք տեղի չէր ունենա։
ՀԱՐՑ — Ո՞րն էր խոստումը 9:1 -ում։
ՊԱՏ․ — «Հիմա»-ն կերտում է ապագան։ Նրանք պետք է հավատարմություն ցուցաբերեին, հավատարմություն՝ Նրա ապագա փառքին։ Մահն այս կյանքում պետք է նրանց չվախեցներ։ Նրա փառքը տեսնելը նույնն էր, ինչ մահվան հանդեպ վախը կորցնելը, ինչպես նաև Իր փառքի ու Իր բացարձակ ազատության մեջ ապրելը՝ ապագայում մահվանից ազատության։
Ծանուցում: Կան բազմաթիվ մեկնաբանություններ այն հարցի շուրջ, թե Հիսուսն ինչ է նկատի ունեցել, երբ ասել է, որ ոմանք չեն մեռնի մինչև չտեսնեն Իր փառքը։ Մեկնաբանություններից մեկն էլ հետևյալն է․ եթե մենք պատրաստ ենք Հիսուսին հետևելու և մահանալու մեր անձի համար, ապա մենք կտեսնենք Նրա թագավորության փառքը, Նրա անհատի փառքը։
ՀԱՐՑ — Ինչո՞ւ Հիսուսն ասաց, «ոմանք», ովքեր այստեղ կանգնած են, կտեսնեն Աստծո թագավորությունը, որ գալու է զորությամբ։
ՊԱՏ․ — Ոչ բոլորն էին այդ տեսնելու։ Հնարավոր է՝ շատ քրիստոնյաների կյանքում զորության պակասն է պատճառը, և հնարավոր է նաև այն, որ նրանք դեռ պետք է հետևեին Հիսուսին։
Ծանուցում #1: Հաճախ հարցը կապված է լինում ներելու հետ։ Միգուցե քրիստոնյաներից շատերի կյանքում կան մարդիկ, ում նրանք չեն կարող ներել. ներելը հավասարազոր կլինի «ինքնասպանության»։ Այնուամենայնիվ, քայլ անել և նման ձևով մահանալը կարող է հենց սկիզբը լինել իրապես ու ճշմարիտ ապրելու։ Սա սկիզբն է՝ տեսնելու Աստծո թագավորության զորությունով գալը։
Ծանուցում #2: Հաճախ հարցը կապված է լինում ուրիշներին դատելու հետ։ Որոշ քիրստոնյաներ արհամարհում են մարդկանց՝ ցածրացնելով նրանց և բամբասելով նրանց մասին։ Նման քիրստոնյաները Հիսուսին չեն հետևում (տե՛ս Մատթեոս 7:1-5)։ Իսկ միգուցե չարհամարհելը և չբամբասելը հավասարազոր կլինի նրանց համար «ինքնասպանությա՞ն»։ Բայց ես լսել եմ, որ ոմանք ասում են. «Ես պե՛տք է բամբասեմ։ Ինչ-որ մեկը պե՛տք է նորությունները տարածի։ Աշխարհում ողջ արդարությունը կփլուզվեր, եթե ես այդ մարդու մասին չբամբասեի և նրան չցածրացնեի»։ Իրականում հենց իրենց հոգիները կփլուզվեն, եթե նրանք շարունակեն այսպես վարվել։ Մինչև նրանք դադարեցնեն, մահը վրա կհասնի։
Ծանուցում: Հիսուսի խոսքերն այսօր ծանր են թվում, բայց Պողոս առաքյալը հասկացել էր այս խոսքերը և հավատում էր նույն ճշմարտությանը։ Եկե՛ք ավարտենք այսօրվա դասը առաքյալի խոսքերով․․․
>>>> Ինչ-որ մեկը թող կարդա Հռ․ 12:1, 2։

ԱՍՏՎԱԾԱՇՆՉՅԱՆ ՀՂՈՒՄՆԵՐ
Մարկոս 8:31
31 Հիսուսը սկսեց նրանց ուսուցանել, որ Մարդու Որդին պետք է շատ չարչարվի, փորձության ենթարկվի ծերերից, քահանայապետներից ու դպիրներից, պետք է մահանա և երեք օր հետո հարություն առնի։

Մարկոս 8:34-9:1
34 Ապա Հիսուսը ժողովրդին աշակերտների հետ միասին իր մոտ կանչեց ու նրանց ասաց. «Ով ուզում է իմ հետևից գալ, թող իր անձն ուրանա, իր խաչը վերցնի ու իմ հետևից գա։ 35 Որովհետև ով ցանկանա իր կյանքը փրկել, կկորցնի այն, իսկ ով իր կյանքը ինձ համար ու Ավետարանի համար կորցնի, նա կփրկի այն։ 36 Ի՞նչ օգուտ է մարդուն, եթե այս ամբողջ աշխարհը շահի, բայց իր կյանքը կորցնի. 37 որովհետև մարդն իր կյանքի համար ի՞նչ հատուցում կտա։ 38 Ով, ապրելով այս շնացող և մեղավոր ազգի մեջ, ինձ ու իմ խոսքերը ամոթ համարի, Մարդու Որդին էլ նրա՛ն կամաչեցնի, երբ գա իր Հոր փառքով ու սուրբ հրեշտակներով»։
9
Հիսուսի այլակերպությունը
(Մտթ. 17.1-13, Ղուկ. 9.28-36)
1 Եվ նրանց ասաց. «Ճշմարիտ եմ ասում ձեզ, որ այստեղ գտնվողներից ոմանք մահ չեն ճաշակելու, մինչև չտեսնեն Աստծու արքայությունը՝ զորությամբ եկած»։

Հռ․ 12:1, 2
Հոգևոր պաշտամունք
1 Արդ Աստծու ողորմածությամբ աղաչում եմ ձեզ, եղբայրնե՛ր, որ ձեր մարմինները մատուցեք կենդանի զոհ՝ սուրբ և աստվածահաճո. դա է ձեր հոգևոր պաշտամունքը։ 2 Եվ մի՛ կերպարանվեք այս աշխարհի կերպարանքով, այլ վերափոխվե՛ք ձեր մտքի նորոգությամբ, որպեսզի դուք քննեք Աստծու կամքը, թե որն է բարին, հաճելին ու կատարյալը։