ՄԱՐԿՈՍ 10:1-16 ԴԱՍ # 25
ՊԱՏԱՍԽԱՆԱՏՎՈՒԹՅՈՒՆ ԵՎ ԱՆԿԵՂԾՈՒԹՅՈՒՆ

I. Ողջույնի խոսք։
II. Ներածություն։
Ծանուցում։ Այսօրվա դասը շատ կարևոր է, բայց գուցե այն մի քիչ բարդ լինի։ Մենք կքննարկենք այն թեմաները, որոնք հենց ավետարաններն են առաջ քաշում։ Հետաքրքիրն այն է, որ Հիսուսին ներքաշեցին այս զրույցի մեջ, բայց մեկ անգամ ևս Նա ցույց տվեց Իր ուսուցչական վարպետությունը։
Ծանուցում։ Տասներորդ գուխն սկսվում է Հիսուսի՝ հանրային ծառայություն վերադարձով։ 9:30-50 հատվածից առաջ Հիսուսը միտումնավոր առանձնանում է՝ աշակերտների հետ ժամանակ անցկացնելու համար, որովհետև Նա ցանկանում էր աշակերտների հետ մասնավոր զրույց ունենալ Իր մահվան մասին։ Նա արդեն երեք անգամ խոսել էր Իր մահվան մասին 8:31, 9:9 և 9:31 համարներում, և այս երեք դեպքերում էլ հիմնականում աշակերտներն էին Իր ունկնդիրը եղել։ Երբեմն մենք պետք է ամեն ինչ մի կողմ թողնենք և խոսենք ծառայության մեջ դժվար և կարևորագույն եզրույթների մասին։ Հիմա Նա կրկին հանրային ծառայությանը վերադարձավ։ Մարդկանց բազմությունը կրկին հավաքվում էր, և Նա կրկին ուսուցանում էր։
III. Ամուսնալուծության վերաբերյալ. 10:1-9։
>>>> Ինչ-որ մեկը թող կարդա Մարկոս 10:1-2:
ՀԱՐՑ — Ո՞րն էր փարիսեցիների քննարկման թեման։
ՊԱՏ․ — Նրանք ասացին, որ ցանկանում էին իմանալ Հիսուսի վերաբերմունքն ամուսնալուծությանը։
ՀԱՐՑ — Ո՞րն էր նրանց հարցի իրական դրդապատճառը։
ՊԱՏ․ — Մարկոսը գրում է, որ նրանց հարցադրման պատճառը Հիսուսին փորձելն էր։
Ծանուցում։ Այս տարածաշրջանում Հովհաննես Մկրտիչը սպանվել էր այս նույն խնդրի պատճառով։ Հիշե՛ք Հերովդես Անտիպասին և Հերովդիային։ Հերովդիան ամուսնալուծվել էր շատ անողջախոհաբար և ամուսնացել Հերովդեսի հետ։ Հովհաննես Մկրտիչը հակադրվել էր այս ամուսնությանը և կոչել երևույթը մեղսական։ Նա հենց այս թեմայով բացեիբաց խոսելու համար էլ սպանվեց։ Հնարավոր է՝ փարիսեցիները մտածեցին, որ Հերովդեսը Հիսուսին նույնպես կսպանի, եթե Նա բարոյականության առումով նույն մոտեցումներն ունենա։ Հիսուսն այստեղ հայտնվում է թիրախում։ Եթե դուք ներգրավվեք ծառայության մեջ, ապա դուք էլ նույն իրադրության մեջ կհայտնվեք։ Հիսուսը մեզ համար օրինակ ծառայեց, թե ինչպես արձագանքել՝ կրոնավոր մարդկանց կողմից քաղաքականորեն բարդ հարցադրումների և իրավիճակների բախվելիս։
Ծանուցում։ Մի փոքրիկ նկատառում պետք է շեշտադրել այստեղ․Հիսուսը պետք է որ այնպիսի սկզբունքներով կազմակերպեր Իր ուսուցումնեըը, որոնք ինքնին թույլ էին տալիս հարցադրումներ բազմության կողմից։ Մեզանից շատերն այսօր թույլ չեն տա նման հանրային մարտահրավեր իրենց հանդեպ, ինչպես Հիսուսն արեց։
ՀԱՐՑ — Ըստ ձեզ, նման մոտեցման դրական և բացասական կողմերը որո՞նք են։
ՀԱՐՑ — Ըստ այն մարդկանց, ովքեր ուսուցանել են հրապարակավ, որո՞նք են նման մոտեցման ռիսկերը։
>>>> Ինչ-որ մեկը թող կարդա Մարկոս 10:3-9։
ՀԱՐՑ — Հինգերորդ համարում արդյոք Հիսուսն արժեզրկո՞ւմ էր Մովսեսին։
ՊԱՏ․ — Ո՛չ, Հիսուսը չէր փորձում հակադրվել Մովսեսին կամ արժեզրկել Հին Կտակարանի հեղինակությունը։ Երեք բան կարելի է նշել այստեղ։ 1) Մովսեսի առաջ քաշած կանոնն այն հանգամանքների համար էր, երբ ամուսնալուծությունն արդեն տեղի էր ունեցել. այն չէր սատարում, դատապարտում կամ քաջալերում այդ երևույթը։ 2) Մովսեսի առաջ բերած կանոնը կանանց որոշ աստիճանի ապահովություն ընձեռելու համար էր։ Կինն ավելի խոցելի կլիներ առանց նման պարտագրի։ 3) Հիսուսը Մովսեսին ճիշտ էր հասկացել։ Նա չէր ցածրացնում Մովսեսին, այլ մեկնաբանում էր Մովսեսի ուսմունքի իրական էությունը։
>>>> Ինչ-որ մեկը թող կարդա Բ Օր․ 24:1, 5։
ՀԱՐՑ — Մովսեսը մտահոգվա՞ծ էր կանանց շահերով։
ՊԱՏ․ — Այո՛, նա մտահոգված էր։ Եթե կինը համարվում էր անպարկեշտ (ի դեպ` վերջինս սահմանված չէ), ապա ամուսնությունն ուղղակի չէր ավարտվում, այլ կնոջը տրվում էր օրինական կարգավիճակ՝ որպես ամուսնալուծված կին։ Այսպիսով, նրան տրվում էր ամուսնալուծության վկայական։
>>>> Նորից կարդացե՛ք Մարկոս 10:6-9։
ՀԱՐՑ — Ինչո՞ւ Հիսուսը մեջբերում արեց Ծննդոց գրքից։ Ժամանակի կամ անցյալի հետ կապված որևէ խնդիր կա՞։
ՊԱՏ․ — Հիսուսն ամուսնությունը կապեց Աստծո ստեղծարարության հետ (տե՛ս 6 և 9 համարները)։ Ամուսնալուծվել նշանակում էր մերժել այն, թե ինչպես էր Աստված մեզ ստեղծել՝ «կոտրելով կնիքը, որն Աստծո ձեռքով էր փորագրվել» (Ջ. Մյուրեյը` Լեյնի մոտ 356)։ Մենք տեսնում ենք, որ Աստված ստեղծեց երկու սեռ և նախատեսեց, որ նրանք միանան և դառնան մեկ։ Երբ մենք ամուսնալուծվում ենք, առանձնացնում ենք այն, ինչ Նա միավորել է։
>>>> Նորի՛ց կարդացեք Մարկոս 10:9։
ՀԱՐՑ — Ո՞ւմ ենք դեմ գնում, երբ ամուսնալուծվում ենք։
ՊԱՏ․ — Մենք դեմ ենք գնում Աստծուն և Նրա ստեղծած կանոնին։ Եթե մենք ենք նախաձեռնում ամուսնալուծությունը, ապա մենք արհամարհում ենք Աստծո կանխամտածված ստեղծագործական ակտի բնույթը։ Նա ցանկանում էր, որ մենք մեկ լինենք, իսկ ամուսնալուծվելով մենք նսեմացնում ենք Նրան։
Ծանուցում։ Հիսուսի խոսքերն այստեղ բավականին հոգեցունց էին և, անկասկած, այսօրվա հասարակության համար ոչ ակտուալ։ Այն ժամանակ էլ ակտուլ չէ՛ին։ Իր հայացքներով Հիսուսը շատ ընկերներ ձեռք չէր բերում։ Անգամ Իր աշակերտները խնդիր ունեին Իր ուսուցման հետ։ Նրանք կամեցան առանձին քննարկել այս հարցը Հիսուսի հետ։
IV. Աշակերտները կասկածի տակ դրեցին Հիսուսի տեսակետերը. Մարկոս 10:10-12։
>>>> Ինչ-որ մեկը թող կարդա Մարկոս 10:10-12։
ՀԱՐՑ — Հիսուսը դիմեց միայն տղամարդկանց, թե՞ նաև կանանց։
ՊԱՏ. — Նա երկու սեռին էլ դիմեց։ .
Ծանուցում։ Ռաբբունական կանոնը (Լեյն, էջ 357) շնությունը երկու ձևով էր սահմանում։ Տղամարդը կարող է շնություն գործել մեկ այլ տղամարդու նկատմամբ՝ գայթակղելով վերջինիս կնոջը։ Կինը կարող էր շնություն գործել իր ամուսնու նկատմամբ՝ մեկ այլ տղամարդու հետ սիրային կապի մեջ մտնելով։ Ռաբբունական կանոնում երկու դեպքում էլ տղամարդու անունն էր հարվածի տակ։ Այնուամենայնիվ, այստեղ Հիսուսը մի նոր բան ավելացրեց։ Նա ասաց, որ տղամարդը կարող է շնություն գործել իր կնոջ հանդեպ։ Հիսուսի հայտարարությունը 10:11-ում կնոջ կարգավիճակը հավասարեցրեց ամուսնու կարգավիճակին։ Աշխարհով մեկ, ուր քրիստոնեական ավետարանը հասավ, կնոջ բարձրացված կարգավիճակն էլ հասավ։ Իհարկե, կարգավիճակի հետ մեկտեղ պատասխանատվությունն է առաջ գալիս․ այն կանայք, ովքեր կնախաձեռնեն ամուսնալուծություն, շնություն արած կլինեն։
ՀԱՐՑ — Իսկ ֆիզիկական բռնությո՞ւնը։
ՊԱՏ. – Անկասկած, ձեզնից ոմանք մտածում են ֆիզիկական բռնության կամ որոշ հազվագյուտ մեղմացնող հանգամանքների մասին։ Այնուամենայնիվ, հիշե՛ք, որ մեր հասարակության մեջ ամուսնալուծությունները հիմնականում պայմանավորված չեն ծայրահեղ բարդ իրավիճակներով։ Գլխավոր պատճառը մեր անձնական երջանությունն է կամ միմյանց հետ շփվելու անկարողությունը, որոնք գերակշռում են այս ազգի ամուսնալուծության գործընթացներում։ Իսկ ի՞նչ կարող ենք ասել ֆիզիկական բռնության մասին։ Այս տեքստում այս հարցի պատասխանը չկա։
ՀԱՐՑ — Հիսուսի չափազանց խիստ ուսմունքի վրա աշակերտներն էլ փարիսեցիների պես ապշահար չէի՞ն եղել։
ՊԱՏ. — Մատթեոս 19:10-ում Հիսուսի տեսակետը լսելուց հետո աշակերտներն սկսեցին մտածել, որ միգուցե չամուսնանալն ավելի ճիշտ է։ Անգամ այն ժամանակ աշակերտների համար սա բավականին բարդ ուսմունք էր։
Ծանուցում։ Եթե դուք դեռ ամուսնացած չեք, ապա զգույշ եղեք ձեզ կողակից ընտրելիս։ Սա մեկանգամյա գործարք է։ Անկախ նրանից, թե ինչ են արել ձեր ծնողները, դուք պատասխանատու եք հնազանդ լինելու Հիսուսի ուսուցմանը և պատվիրաններին։
V. Անկեղծություն և խոնարհություն. երեխաները Հիսուսի հետ։ Մարկոս 10:13-16։
>>>> Ինչ-որ մեկը թող կարդա Մարկոս 10:13-16։
Ծանուցում։ Երեխաների թանկագնության մասին այս պատմությունը հաջորդում է բարձունքում արված ամուսնալուծության մասին ուսմունքին (նաև՝ Մատթեոս 19)։
ՀԱՐՑ — Ինչո՞ւ է Մարկոսն այս երկու պատմությունները միասին զետեղում։
ՊԱՏ. — Ամուսնալուծությունը ծանր հետևանքներ է թողնում երեխաների վրա։
ՀԱՐՑ — Մարկոս 9:39 -ում և Մարկոս 10:14-ում Հիսուսի արձագանքն ի՞նչ ընդհանրություններ ունի։
ՊԱՏ. — Մարկոս 9:39-ում Հիսուսն ասում է․ «Արգելք մի՛ եղեք նրան»։ Մարկոս 10:14 – ում աշակերտները նորից են չարաշահում իրենց հեղինակությունը (Լեյն, 359)։ Կարծես թե մենք այստեղ ունենք «առաջնորդների» երկու օրինակ, ովքեր որոշ մարդկանց փորձում են ետ պահել Հիսուսի հետ հանդիպելուց, և այսպիսով, մենք տեսնում ենք, որ Հիսուսն երկու անգամ ասում է՝ «դադարեցրե՛ք»։ Որպես քրիստոնյա առաջնորդներ՝ մենք չպետք է խոչընդոտենք մարդկանց Քրիստոսին հանդիպել։ Եթե նման կերպ վարվենք, ապա կարժանանանք Աստծո հանդիմանությանը։
Բերե՛ք մեկ օրինակ։
ՀԱՐՑ — Ո՞րն էր Հիսուսի էմոցիոնալ արձագանքը 14-րդ համարում։
ՊԱՏ. — Նա սարսափելի դժգո՛հ էր։ Այլ խոսքով՝ Նա բարկացած էր։
Ծանուցում։ Մարկոսի ավետարանում Հիսուսը ներկայացված է որպես զգացմունքային մարդ։ Տե՛ս Մարկոս 1:41, 43, 3:5, 7:34 և 9:19։
ՀԱՐՑ — Մարկոս 10:14 – ում Հիսուսն ինչպե՞ս արդարացրեց այն հանգամանքը, որ Ինքը հեշտությամբ պետք է հասանելի լինի երեխաներին։
ՊԱՏ. — Աստծո արքայությունը պատկանում է այդպիսիներին։
ՀԱՐՑ — Մենք մեղավո՞ր ենք երեխաներին վնասելու կամ մերժելու մեջ, երբ ամուսնալուծվում ենք։
>>>> Ինչ-որ մեկը թող նորից կարդա Մարկոս 10:15։
ՀԱՐՑ — Ինչո՞ւ մենք պետք է երեխաների նման լինենք։
ՊԱՏ․ — Ինչ-որ որակ չկա, որ երեխաներին է հատուկ, այլ այն, որ նրանք խոնարհ են. նրանք ողորմածություն չեն պահանջում։ Միայն նա կարող է մտնել արքայություն, ով գիտակցում է, որ անօգնական է, փոքր, և հավակնոտ չէ և արժանիքներով չի հպարտանում (Լեյն, էջ 361)։
>>>> Ինչ-որ մեկը թող նորից կարդա Մարկոս 10:16։
ՀԱՐՑ — Ի՞նչ երեք բայեր են օգտագործվել Հիսուսին երեխաների հետ միասին նկարագրելու համար 16-րդ համարում։
ՊԱՏ․ — Նա «գրկեց» նրանց, «օրհնեց» նրանց և «ձեռքը դրեց» նրանց վրա։
ՀԱՐՑ — Սա ի՞նչ է մեզ հուշում, ինչպե՞ս պետք է երեխաների հետ վարվել։
ՀԱՐՑ — Հիմնականում երեխաների հետ սիրալիր լինելո՞ւ մասին է միայն։
ՊԱՏ․ — Որոշ տղամարդիկ (ոչ բոլորը) կարծում են, որ այնքան էլ տղամարդկային չէ երեխաների հետ բացեիբաց սիրալիր լինելը։ Հիշե՛ք, Հիսուսը տղամարդկանց մեջ ամենահայտնին և ամենահեղինակայինն էր բոլոր տղամարդկանցից։
ՀԱՐՑ — Նախքան մենք տուն կգնանք այս երեկո, ի՞նչ եք կարծում, այս հատվածը ի՞նչ է ասում այն մասին, թե Հիսուսն ինչպես կվերաբերվի մեզ։
ՊԱՏ. — Եթե այսօր մենք առ Հիսուս գնանք փոքրիկ երեխաների պես, ապա Նա մեզ չի արհամարհի։ Եթե մենք այսպես վարվենք՝ հասկանալով, որ մենք Իրենից որևէ պահանջ չունենք, Նա կգրկի մեզ, կօրհնի մեզ և ձեռքը սիրալիր կդնի մեզ վրա։ Ահա թե ինչպես մենք կարող ենք մուտք գործել Նրա արքայություն, և ահա թե ինչպես Նա մեզ հետ կվարվի։
Ծանուցում։ Հավանաբար, այս երեկո երեխայի պես խոնարհությամբ ու անկեղծությամբ Հիսուսին մոտենալու ճանապարհներից մեկն էլ այն կլինի, որ ընդունենք Նրա տեսակետն ամուսնալուծության վերաբերյալ։ Եթե մենք բացեիբաց և խոնարհությամբ չընդունենք Հիսուսի տեսակետն ամուսնալուծության վերաբերյալ, միգուցե մենք դեռ չենք մոտեցել Հիսուսին փոքրիկ երեխաների պարզությամբ։ Միգուցե մենք դեռ չենք մտել արքայություն, նոր դեռ պետք է մտնենք։ Որտեղ Հիսուսի արքայությունն է, այնտեղ էլ Նրա տեսակետերին՝ որպես թագավորի, հնազանդվելն է։

ԱՍՏՎԱԾԱՇՆՉՅԱՆ ՀՂՈՒՄՆԵՐ
Մարկոս 10:1-16
Ամուսնալուծության մասին
(Մտթ. 19.1-12, Ղուկ. 16.18)
1 Հիսուսն այնտեղից ելավ, եկավ Հրեաստանի սահմանները՝ Հորդանանի մյուս կողմը։ Նրա շուրջը դարձյալ ժողովուրդ էր հավաքվում, և նա իր սովորության համաձայն նորից ուսուցանում էր նրանց։
2 Նրան մոտեցան նաև փարիսեցիները և փորձելու համար նրան հարցրին. «Թույլատրվո՞ւմ է մարդուն իր կնոջն արձակել»։ 3 Հիսուսը պատասխանեց նրանց ու ասաց. «Մովսեսը ձեզ ի՞նչ է պատվիրել»։ 4 Նրանք ասացին. «Մովսեսը թույլ է տվել բաժանման թուղթ գրել ու արձակել»։ 5 Բայց Հիսուսը պատասխանեց նրանց ու ասաց. «Նա ձեր խստասրտության պատճառով է այդ պատվիրանը ձեզ գրել։ 6 Բայց արարչագործության սկզբից Աստված նրանց արու և էգ ստեղծեց ու ասաց. 7 “Դրա համար տղամարդն իր հորն ու մորը կթողնի և իր կնոջը կմիանա։ 8 Եվ երկուսը մեկ մարմին կլինեն”. հետևաբար այլևս երկու չեն, այլ մեկ մարմին։ 9 Արդ, ինչ որ Աստված միավորեց, մարդը թող չբաժանի»։
10 Տանը աշակերտները այդ թեմայի շուրջ դարձյալ հարցրին նրան։ 11 Եվ նա ասաց նրանց. «Ով իր կնոջն արձակի ու մի ուրիշի հետ ամուսնանա, առաջին կնոջ դեմ շնություն է անում։ 12 Իսկ եթե մի կին իր ամուսնուն արձակի և ուրիշ տղամարդու հետ ամուսնանա, շնություն է անում»։
Հիսուսն օրհնում է մանուկներին
(Մտթ. 19.13-15, Ղուկ. 18.15-17)
13 Հիսուսի մոտ երեխաների էին բերում, որ օրհնի նրանց, բայց աշակերտները սաստում էին բերողներին։ 14 Բայց երբ Հիսուսը տեսավ, բարկացավ ու նրանց ասաց. «Թողե՛ք, որ երեխաներն ինձ մոտ գան, ու մի՛ արգելեք նրանց, քանի որ Աստծու արքայությունն այդպիսիներինն է։ 15 Ճշմարիտ եմ ասում ձեզ. ով Աստծու արքայությունը երեխայի պես չընդունի, նրա մեջ չի մտնի»։ 16 Եվ նրանց գիրկն առավ, ձեռքը նրանց վրա դրեց և օրհնեց։

Մարկոս 1:41
41 Հիսուսը գթալով ձեռքը մեկնեց, նրան դիպավ ու ասաց. «Ուզում եմ, մաքրվի՛ր»։

Մարկոս 1:43
43 Եվ նրան անմիջապես դուրս հանելով՝ հորդորեց ու 44 ասաց. «Զգո՛ւյշ կաց, ոչ ոքի ոչինչ չասես, այլ գնա՛, քեզ ցո՛ւյց տուր քահանային ու քո մաքրվելու համար մատուցի՛ր այն, ինչ Մովսեսն է հրամայել՝ որպես դրա վկայություն»։

Մարկոս 3:5
։ 5 Նա, իր շուրջը եղողներին բարկությամբ նայելով, նրանց սրտերի կուրության համար տրտմած, այն մարդուն ասաց. «Ձեռքդ մեկնի՛ր»։ Նա մեկնեց, ու նրա ձեռքն առողջացավ։

Մարկոս 7:34
34 Հիսուսը դեպի երկինք նայեց, հառաչեց ու նրան ասաց. «Եփփա՛թա», որ նշանակում է «Բացվի՛ր»։

Մարկոս 8:31
31 Հիսուսը սկսեց նրանց ուսուցանել, որ Մարդու Որդին պետք է շատ չարչարվի, փորձության ենթարկվի ծերերից, քահանայապետներից ու դպիրներից, պետք է մահանա և երեք օր հետո հարություն առնի։

Մարկոս 9:9
9 Լեռից իջնելիս նրանց պատվիրեց, որ իրենց տեսածի մասին ոչ մեկի չպատմեն մինչև այն ժամանակը, երբ Մարդու Որդին մեռելներից հարություն առնի։

Մարկոս 9:19
»։ 19 Նա պատասխանեց ու ասաց նրանց. «Ո՛վ անհավատ սերունդ, մինչև ե՞րբ եմ ձեզ հետ լինելու, մինչև ե՞րբ եմ ձեզ հանդուրժելու։ Նրան ինձ մո՛տ բերեք»։

Մարկոս 9:30-50
Հիսուսը կրկին խոսում է մահվան և հարության մասին
(Մտթ. 17.22-23, Ղուկ. 9.44բ-45)
30 Նրանք այնտեղից դուրս եկան և անցնում էին Գալիլեայի միջով։ Հիսուսը չէր ուզում, որ որևէ մեկն իմանա, 31 որովհետև աշակերտներին ուսուցանում էր ու ասում, թե Մարդու Որդին մարդկանց ձեռքն է մատնվելու, և նրանք պիտի սպանեն նրան, բայց երբ սպանվի, երրորդ օրը հարություն է առնելու։ 32 Իսկ նրանք այդ խոսքը չէին հասկանում ու վախենում էին նրան հարցնել։
Ո՞վ է մեծ
(Մտթ. 18.1-5, Ղուկ. 9.46-48)
33 Հիսուսը Կափառնաում եկավ և երբ տուն մտավ, նրանց հարցրեց. «Ճանապարհին իրար հետ ինչի՞ մասին էիք վիճում»։ 34 Սակայն նրանք լռում էին, որովհետև ճանապարհին իրար հետ վիճում էին, թե ո՛վ է մեծը։ 35 Հիսուսը նստեց, կանչեց տասներկուսին և նրանց ասաց. «Եթե մեկն ուզում է լինել առաջինը, թող լինի բոլորից վերջինը ու բոլորի սպասավորը»։ 36 Ապա վերցրեց մի երեխայի, նրանց մեջտեղում կանգնեցրեց և նրան գրկելով՝ ասաց նրանց. 37 «Ով այսպիսի երեխաներից մեկին ընդունում է իմ անունով, ի՛նձ է ընդունում, իսկ ով ինձ է ընդունում, ընդունում է ինձ ուղարկողին, այլ ոչ ինձ»։
Ով մեզ դեմ չէ, մեր կողմն է
(Ղուկ. 9.49-50)
38 Հովհաննեսը նրան ասաց. «Վարդապե՛տ, տեսանք մեկին, որ քո անունով դևեր էր հանում, բայց նրան արգելեցինք, որովհետև մեզ չի հետևում*»։ 39 Հիսուսն ասաց. «Մի՛ արգելեք նրան, որովհետև չկա մեկը, որ իմ անունով մի հրաշք գործի ու հետո անմիջապես կարողանա ինձ չարախոսել. 40 որովհետև ով մեզ հակառակ չէ, մեր կողմն է։ 41 Ով հանուն ինձ ձեզ մի բաժակ ջուր տա, քանի որ դուք Քրիստոսին եք պատկանում, ճշմարիտ եմ ասում ձեզ, նա իր վարձը չի կորցնի։
Գայթակղության մասին
(Մտթ. 18.6-9, Ղուկ. 17.1-2)
42 Իսկ ով որ գայթակղեցնի այս փոքրերից մեկին, որ հավատում են ինձ, նրա համար ավելի լավ կլինի, եթե վզից մի աղացքար կախվի, ու նա ծովը գցվի։ 43 Եթե քո ձեռքը գայթակղեցնում է քեզ, կտրի՛ր այն, որովհետև քեզ համար ավելի լավ է, որ հավիտենական կյանք խեղանդամ մտնես, քան երկու ձեռք ունենաս, բայց գեհեն գնաս՝ այն անշեջ կրակի մեջ. 44 * “Այնտեղ նրանց ուտող որդը չի մեռնում, ու կրակը չի հանգչում”։ 45 Եվ եթե քո ոտքը գայթակղեցնում է քեզ, կտրի՛ր այն. քեզ համար ավելի լավ է, որ հավիտենական կյանք կաղ մտնես, քան երկու ոտք ունենաս և գեհեն ընկնես՝ այն անշեջ կրակի մեջ. 46 * “Այնտեղ նրանց ուտող որդը չի մեռնում, ու կրակը չի հանգչում”։ 47 Եվ եթե քո աչքը գայթակղեցնում է քեզ, հանի՛ր այն. քեզ համար ավելի լավ է, որ մեկ աչքով Աստծու արքայություն մտնես, քան երկու աչք ունենաս ու կրակի գեհենն ընկնես. 48 “Այնտեղ նրանց ուտող որդը չի մեռնում, ու կրակը չի հանգչում”։ 49 Որովհետև ամեն ոք կրակով է աղվելու, ինչպես ամեն զոհ աղով է աղվում։ 50 Աղը լավ բան է, իսկ եթե աղն իր աղիությունը կորցնի, ինչպե՞ս այն կվերագտնեք։ Ձեր անձի մեջ ա՛ղ ունեցեք ու իրար հետ խաղաղության մե՛ջ եղեք»։

Մատթեոս 19
Ամուսնալուծության մասին
(Մրկ. 10.1-12)
1 Երբ Հիսուսն այս խոսքերն ավարտեց, Գալիլեայից հեռացավ և եկավ Հրեաստանի սահմանները՝ Հորդանանի մյուս կողմը։ 2 Նրա հետևից ժողովրդի մեծ բազմություն էր գնում, և նրանց այնտեղ բժշկում էր։
3 Փարիսեցիները նրա մոտ եկան և նրան փորձելու համար ասում էին. «Արդյոք թույլատրվո՞ւմ է, որ մարդն առանց որևէ պատճառի արձակի իր կնոջը»։ 4 Հիսուսը պատասխանեց ու ասաց նրանց. «Չե՞ք կարդացել, որ արարիչը սկզբից արու և էգ ստեղծեց նրանց (Ծնն. 1.27, 5.2) 5 ու ասաց. “Դրա համար տղամարդը պիտի թողնի իր հորն ու մորը և միանա իր կնոջը, և երկուսը մեկ մարմին պիտի լինեն” (Ծնն. 2.24), 6 որպեսզի այլևս չլինեն երկու, այլ մեկ մարմին։ Արդ, ինչ որ Աստված միացրեց, մարդը թող չբաժանի»։ 7 Նրան ասացին. «Ուրեմն ինչո՞ւ Մովսեսը մեզ պատվիրեց արձակման թուղթ տալ ու արձակել նրան» (Բ Օր. 24.1-4, Մտթ. 5.31)։ 8 Նրանց ասաց. «Մովսեսը ձեր խստասրտության պատճառով ձեզ թույլատրեց ձեր կանանց արձակել, բայց սկզբում այդպես չի եղել։ 9 Բայց ասում եմ ձեզ. ով իր կնոջն արձակի ոչ պոռնկության պատճառով և ուրիշի հետ ամուսնանա, շնություն արած կլինի. շնություն է անում նաև նա, ով արձակվածի հետ է ամուսնանում»։ 10 Աշակերտներն ասացին նրան. «Եթե ամուսնու հարաբերությունը կնոջ հետ այդպիսին է, ավելի լավ է չամուսնանալ»։ 11 Իսկ Հիսուսն ասաց նրանց. «Ոչ բոլորն են դրան ընդունակ, այլ նրանք, ում տրված է։ 12 Որովհետև կան ներքինիներ, որոնք մոր որովայնից են այդպես ծնվել, կան նաև ներքինիներ, որոնք մարդկանց կողմից են ներքինի դարձվել, ներքինիներ էլ կան, որոնք երկնքի արքայության համար են իրենք իրենց ներքինի դարձրել։ Ով կարող է այս ճանապարհով ընթանալ, թող ընթանա»։
Հիսուսն օրհնում է մանուկներին
(Մրկ. 10.13-16, Ղուկ. 18.15-17)
13 Այդ ժամանակ Հիսուսի մոտ երեխաների բերեցին, որպեսզի ձեռքը դնի նրանց վրա և աղոթի, սակայն աշակերտները հանդիմանում էին նրանց։ 14 Բայց Հիսուսն ասաց. «Թողե՛ք այդ երեխաներին և մի՛ արգելեք նրանց ինձ մոտ գալ, որովհետև երկնքի արքայությունն այդպիսիներինն է»։ 15 Եվ ձեռքը դրեց նրանց վրա ու այնտեղից գնաց։
Հարուստ երիտասարդը
(Մրկ. 10.17-27, Ղուկ. 18.18-26)
16 Ահա մեկը Հիսուսի մոտ եկավ ու ասաց. «Բարի՛ վարդապետ, ի՞նչ բարի գործ անեմ, որ հավիտենական կյանքն ունենամ»։ 17 Նա ասաց նրան. «Ինչո՞ւ ես ինձ բարու մասին հարցնում. բարին մեկն է։ Իսկ թե ուզում ես հավիտենական կյանք մտնել, պատվիրաննե՛րը պահիր»։ 18 Նրան ասաց. «Որո՞նք»։ Հիսուսն ասաց. «Մի՛ սպանիր, մի՛ շնանա, մի՛ գողանա, սուտ մի՛ վկայիր, 19 պատվի՛ր քո հորն ու մորը և սիրի՛ր քո ընկերոջը, ինչպես ինքդ քեզ» (Ելք 20.13-16, 12, Բ Օր. 5.17-20, 16, Ղևտ. 19.18)։ 20 Երիտասարդը նրան ասաց. «Այդ ամենն իմ մանկությունից ի վեր պահել եմ, էլ ի՞նչ է ինձ պակասում»։ 21 Հիսուսը նրան ասաց. «Եթե ուզում ես կատարյալ լինել, գնա վաճառի՛ր ունեցվածքդ ու տո՛ւր աղքատներին և երկնքում գանձ կունենաս. ու եկ ի՛նձ հետևիր»։ 22 Երբ երիտասարդն այս խոսքը լսեց, տրտմած հեռացավ, որովհետև մեծ հարստություն ուներ։
23 Հիսուսն աշակերտներին ասաց. «Ճշմարիտ եմ ասում ձեզ, որ հարուստը դժվարությամբ է երկնքի արքայություն մտնելու։ 24 Բայց դարձյալ ասում եմ ձեզ. ուղտն ասեղի ծակով ավելի հեշտ կանցնի, քան հարուստը Աստծու արքայություն կմտնի»։ 25 Երբ աշակերտները լսեցին, շատ զարմացան ու ասացին. «Հապա ո՞վ կարող է փրկվել»։ 26 Հիսուսը նայեց նրանց և ասաց. «Մարդկանց համար դա անհնար է, բայց Աստծու համար ամեն բան հնարավոր է»։
Առաքյալների վարձատրությունը
27 Այդ ժամանակ Պետրոսն ասաց Հիսուսին. «Ահա մենք ամեն ինչ թողեցինք ու եկանք քո հետևից. հիմա մեզ ի՞նչ կլինի»։ 28 Հիսուսը նրանց ասաց. «Ճշմարիտ եմ ասում ձեզ, որ դուք՝ իմ հետևից եկողներդ, երբ Մարդու Որդին երկրորդ գալստյանն իր փառքի աթոռին նստի, դուք տասներկու աթոռների վրա կնստեք՝ Իսրայելի տասներկու ցեղերին դատելու։ 29 Ամեն ոք, ով իմ անվան համար թողել է տունը կամ եղբայրներին, կամ քույրերին, կամ հորը, կամ մորը, կամ կնոջը, կամ զավակներին, կամ արտերը, հարյուրապատիկը կստանա ու հավիտենական կյանքը կժառանգի։ 30 Շատ առաջիններ վերջիններ կլինեն, իսկ վերջինները՝ առաջիններ»։

Բ Օր․ 24:1
1 «Եթե մեկը կին առնի ու նրա ամուսինը դառնա, և եթե պատահի, որ ինչ-որ անարգական բան նկատի նրա վրա, և կինը նրա աչքին հաճելի չլինի, ապա արձակման թուղթ թող գրի նրա համար, նրա ձեռքը տա և նրան արձակի իր տնից։

Բ Օր․ 24: 5
5 Նոր ամուսնացած տղամարդը պատերազմի չպետք է գնա, և նրան ոչ մի պաշտոն չպիտի տրվի։ Մեկ տարի նա ազատ կլինի իր տան մեջ և կուրախացնի իր առած կնոջը։