ՄԱՐԿՈՍ10:17-27 ԴԱՍ # 26
ԵՐԿԻՆՔ ՏԱՆՈՂ ՄԵՐ ՃԱՆԱՊԱՐՀԻ ՆՎԱՃՈՒՄԸ

I. Ողջույնի խոսք։
II. Ներածություն։
Մենք բոլորս ճանաչում ենք մարդկանց, ովքեր լավ մարդիկ են, բայցևայնպես չեն հավատում Հիսուս Քրիստոսին, երբեմն՝ անգամ Աստծուն։ Հաճախ, անկեղծ ասած, նման մարդիկ մեծ հիացմունք են առաջացնում, անգամ ավելի շատ հիացմունք, քան այն մարդկանցից շատերը, որոնց մենք հանդիպում ենք եկեղեցում։ Հետևաբար, հետաքրքիր հարց է առաջանում:
ՀԱՐՑ — Օրինավոր կյանքով ապրելը բավակա՞ն է։
ՊԱՏ․ — Թո՛ւյլ տվեք ունկնդիրներին արտահայտել իրենց կարծիքը, և որևէ մեկնաբանություն մի՛ արեք, այլ պարզապես գրառեք իրենց արձագանքները։
III. Մեծահարուստ բարեպաշտ մարդը. Մարկոս 10:17-22։
>>>> Ինչ-որ մեկը թող կարդա Մարկոս 10:17-20:
ՀԱՐՑ — Այս մարդն անկե՞ղծ էր։
ՊԱՏ. — Տե՛ս 10:17. նա վազեց, ծնկի եկավ և հարգալից խոսեց։ Այնուամենայնիվ, ինչպես այսօր այստեղ գտնվող մարդկանցից ոմանք, նրա ներաշխարհում էլ դատարկություն կամ սով կարող էր լինել։
ՀԱՐՑ — Հիսուսն ի՞նչ էր անում այստեղ՝ 18-րդ համարում։
ՊԱՏ․ — Տեսակետերից մեկն այն է, որ Հիսուսը կենտրոնացած էր միայն Աստծո բարության վրա (Բարքլի, 365)։ Միգուցե այս մարդը կենտրոնանում էր իր սեփական բարության վրա, և, հետևաբար, կենտրոնացավ Հիսուսի բարության վրա։
Այս թեմայի շուրջ Բարքլին կարծում էր, որ Հիսուսը ցանկանում էր, որպեսզի այդ մարդը մի պահ դադար տա և մտածի։ Մարդը պատրաստակամ էր, և մենք չպետք է միայն զգացմունքներից դրդված գործողություններ կատարենք։ Հիսուսը ցանկանում էր, որ այդ մարդը կենտրոնանա Աստծո վրա, այլ ոչ մահկանացու ուսուցիչների կամ առաջնորդների։ Նա քաջալերում է միշտ Աստծուն մատնացույց անել մեր ծառայությունների մեջ (Բարքլի, 252)։ Միգուցե Հիսուսը հող է նախապատրաստում Իր պատասխանի հաջորդ մասի համար։ Ուշադրությո՛ւն դարձրեք, թե Նա ինչ է ասում հետո։
ՀԱՐՑ — Տղամարդու հարցին Հիսուսն ի՞նչ պատասխանեց Մարկոս 10:19-ում ։
ՊԱՏ. — Հիսուսը Տասը պատվիրաններից մեջբերում արեց։
ՀԱՐՑ — Այս հինգ պատվիրաններն ի՞նչ ընդհանրություն ունեն։
ՊԱՏ. — Տասը պատվիրաններից բոլոր այս մեջբերումները քաղաքացիական օրենքներ են, այսինքն՝ նրանք վերաբերում են մարդ-մարդ հարաբերություններին։ Տասը պատվիրանները երկու հիմնական կատեգորիաներ ունեն․ 1-4 պատվիրանները ՝ մարդ-Աստված հարաբերություններին վերաբերող, և 5-10 պատվիրանները՝ մարդ-մարդ հարաբերություններին վերաբերող։ Այլ խոսքով՝ ինչպես ճիշտ և սիրալիր վարվել այլ մարդկանց հետ = քաղաքացիական օրենք, և ինչպես ճիշտ և սիրալիր վարվել Տիրոջ հետ = սրբազան օրենք:
ՀԱՐՑ — Հետևաբար, ըստ Հին կտակարանի, մարդկանց հետ հարգալից լինելը բավարա՞ր է։
ՊԱՏ. — Ո՛չ։ Սա ընդամենը Աստծուն հաճոյանալու ճանապարհի մի մասն է։ Սա ընդամենը ճանապարհի մի մասն է հավիտենական կյանք ձեռք բերելու։ Մարդկանց հետ ճիշտ վարվելը պարտադիր պայման է Աստծուն գոհացնելու համար, բայց բավարար չէ՝ տասը պատվիրանները կատարելու համար։ Հստակ է, որ Հին կտակարանը գիտեր, որ դա բավարար չէ: Ուշադրությո՛ւն դարձրեք, թե ինչ է հետո անում Հիսուսը։
>>>> Ինչ-որ մեկը թող կարդա Մարկոս 10:21-22:
ՀԱՐՑ — Ինչո՞ւ Հիսուսն ասաց, որ երիտասարդի հաջողությունը փողի հետ էր կապված։
ՀԱՐՑ — Տասը պատվիրաններից առաջինը ո՞րն է։
ՊԱՏ․ — >>>> Թող բոլորը բացեն Ելից 20:3 համարը, և դուք կարդացե՛ք այն: «Ինձանից բացի ուրիշ աստվածներ չունենաս»։
ՀԱՐՑ — Ո՞րն էր այս մարդու մյուս Աստվածը։
ՊԱՏ. — Հիսուսը կարծում էր, որ նրա մյուս Աստվածն իր փողերն էին։
ՀԱՐՑ — Երկինքը երկի՞նք է առանց Աստծո։
ՊԱՏ. — >>>> Թող բոլորը բացեն Հայտնություն 21:2-3 և 22-23 համարները, և թող ինչ-որ մեկը կարդա։ Հավիտենական կյանք ունենալու համար պատշաճ կյանքով ապրելը բավարար չէ։ Հավիտենությունն այնտեղ է, որտեղ Աստված է։ Նրան չսիրելու և չպատվելու դեպքում՝ մենք իրականում հավիտենություն ժառանգելու ցանկություն չենք ցուցաբերի։
Ծանուցում։ Մեզանից նրանք, ովքեր ցանկանում են ապրել ուղղակի արժանապատիվ կյանքով, չեն գնա երկինք պարզապես միայն այն պատճառով, որ Աստված այնտեղ է։ Եթե մենք ուզում ենք գնալ երկինք, ապա պետք է սիրենք Աստծուն․
Բ Օր․ 6:4-5, «4 Լսի՛ր, ո՛վ Իսրայել, մեր Տեր Աստվածը՝ Տերը, մեկ է։ 5 Սիրի՛ր քո Տեր Աստծուն քո ամբողջ սրտով, քո ամբողջ հոգով և քո ամբողջ ուժով։»։ Այստեղ տեղին է նաև հիշել Սադհու Սունդար Սինգհի խոսքերը. «Շատերը չեն սիրի երկինքը, որովհետև երկինքը ոչ այլ ինչ է, եթե ոչ Աստծո ներկայությունը»։
ՀԱՐՑ — Մեկ այլ Աստված ուենալու գիտակցությունից հետո՝ ինչպե՞ս ժառանգենք հավիտենական կյանք։
ՊԱՏ. — Թո՛ւյլ տվեք ունկնդիրներին պատասխանել, և ապա հետո իրենց հետ ընթերցեք…
>>>> Ինչ-որ մեկը թող կարդա Մարկոս 10:21։
ՀԱՐՑ — Ո՞րն էր առաջին քայլը Մարկոս 10:21 -ում։
ՊԱՏ. — Պատասխանն առաջին երեք բայերն են։ Առաջին երեք հրահանգն էր՝ գնա՛, վաճառի՛ր և տո՛ւր։ Հիսուսն ասաց, որ մարդը պետք է ազատվի հոգևոր մրցակցությունից։ Նա պետք է ազատվեր վերջինից։
ՀԱՐՑ — Արդյոք Հիսուսը խոսե՞ց հոգևոր սկզբունքների, համոզմունքների կամ զգացմունքների մասին այս երեք հրահանգներում: Եթե՝ ոչ, ապա ինչի՞ մասին Նա խոսեց:
ՊԱՏ. – Ուշադրությո՛ւն դարձրեք, որ Հիսուսը չխոսեց հոգևոր համոզմունքներից կամ զգացմունքներից, բայց, ի պատասխան, խոսեց միայն գործողություններից։ Սա առաջին քայլն էր՝ հավիտենական կյանք ձեռքբերելու։
ՀԱՐՑ — Մարկոս 10:21-ի վերջում երկրորդ քայլն էր։
ՊԱՏ. — Կարծում եմ՝ պատասխանը վերջին երկու բայերի մեջ է։ Հաջորդ երկու պատվերները 10:21-ի վերջում հետևյալն են. արի՛ և հետևի՛ր։ Ուշադրությո՛ւն դարձրեք, որ Հիսուսն ասաց, որ երիտասարդը չէր կարող մոտենալ ճշմարիտ Աստծուն, եթե նա ուրիշ աստված ունենար: Այդ մարդը պետք է պատրաստակամ լիներ՝ իրեն զրկելու մյուս աստծուց, իսկ հետո արդեն բաց հրավեր կստանար: Բաց հրավեր ստանալուց հետո նա պետք է հետևեր Հիսուսին Հիսուսի կանոններով։ Մինչև նա չսկսեր ճիշտ վարվել իր փողերի հետ, չէր կարողանա երկրորդ քայլն անել։
ՀԱՐՑ — Ի՞նչ ուրիշ աստվածներ մարդիկ կարող են ունենալ։
ՊԱՏ․ — Մեզանից ոմանց համար դա մեր հեղինակությունն է, կարիերան, ամուսնության հույսը կամ ցանկացած այլ բան, որ Աստծուց ավելի ենք գնահատում։
Գուցե մեզնից ոմանք այլ աստվածներ ունեն, չնայած նրան, որ մենք բավականին արդար ենք աշխարհի աչքերին, անգամ նույնիսկ՝ եկեղեցու: Սակայն, ինչպես հարուստ երիտասարդ կառավարիչը, մենք նույնպես գիտենք, որ ինչ-որ բան պակասում է մեր կյանքում։
ՀԱՐՑ — Համաձայն 22-րդ համարի՝ արդյո՞ք այս երիտասարդը հրաժարվեց իր մյուս աստծուց:
ՊԱՏ. — Ցավոք, երիտասարդը չկարողացավ հրաժարվել իր մյուս աստծուց: Այս միջադեպը պետք է որ խորապես ազդած լիներ ինչպես Հիսուսի, այնպես էլ Իր աշակերտների վրա, քանի որ Հիսուսը երիտասարդի հեռանալուց հետո էլ շարունակեց այդ թեմայով քննարկումը:
IV. Փողը/դրամը կարող է խոչընդոտ հանդիսանալ. Մարկոս 10:23-27։
>>>> Ինչ-որ մեկը թող կարդա Մարկոս 10:23-27։
ՀԱՐՑ — Ըստ Հիսուսի՝ հարուստի համար հե՞շտ է Երկնքի արքայություն մտնելը։
ՊԱՏ. — Ո՛չ, տե՛ս Մարկոս 10:24։
ՀԱՐՑ — Աշակերտներն ինչպե՞ս արձագանքեցին։
ՊԱՏ. — Նրանք զարմացել էին, տե՛ս Մարկոս 10:24 և 26։
ՀԱՐՑ — Ինչո՞ւ էին նրանք զարմացել։ Մենք զարմացա՞ծ ենք։
ՊԱՏ. — Հաճախ մենք կարծում ենք, որ վատ կամ աղքատ ընտանիքներից սերված երեխաներն ամենայն հավանականությամբ կմերժեն Ավետարանը։ Բացի այդ, աշակերտներն, անկասկած, ազդեցություն կրել էին Երկրորդ Օրինաց կամ Առակաց գրքերից և հարստությունը տեսնում էին՝ որպես Աստծո օրհնության նշան: Մենք շատ հաճախ հարստությունը կամ լավ աշխատանքը համարում ենք Աստծո օրհնության նշան, և մենք ճիշտ ենք վարվում այսպես մտածելով: Աստված ցանկանում է օրհնել մեզ, բայց մենք հաճախ նման օրհնությունները վերցնում ենք և մեր դեմ օգտագործում: Թերևս սա է պատճառը, որ հաջողակ ընտանիքներից դուրս եկած եկեղեցի հաճախող շատ երեխաներ հոգևոր առումով հասուն չեն։
Ծանուցում։ Հիսուսը պատրաստվում էր նրանց զարմանքին արձագանքել, որովհետև օրհնությունները (հարստություն, հմտություն, հաջողություն, գեղեցկություն և այլն) կարող են խոչընդոտ հանդիսանալ Աստծո արքայություն (թագավորությունը) մտնելուն։ Նա սկսեց խոսել սիմվոլ-բառերով։
ՀԱՐՑ — 24-րդ տողում Հիսուսն ինչպե՞ս դիմեց աշակերտներին։
ՊԱՏ. — Որպես «երեխաների»։
ՀԱՐՑ — Այս բառն ի՞նչ կապ ուներ դրամը որպես աստված պաշտելու դեմ պայքարի հետ։
ՊԱՏ. – Թո՛ւյլ տվեք ունկնդիրներին պատասխանել հարցին։ Եթե նրանք բաց թողնեն 15-րդ հղման մեջբերումը, մատնացույց արեք այն, բայց իրենց փոխարեն մի՛ պատասխանեք։ Այնուամենայնիվ, երբ նրանք ավարտեն, մատնացո՛ւյց արեք դա Մարկոս 10: 21, 23 և 27 համարներում: Երեք հատվածներում էլ Հիսուսը «նայում» է: Հիշեք՝ աչքերն ընկալման մետաֆորն են: Հիսուսը տեսավ և հետևաբար ընկալեց և հասկացավ մարդկանց սրտի խորքերը: Նա գիտեր, թե ինչն է ետ պահում երիտասարդ իշխանին, և Նա գիտի, թե ի՞նչն է այսօր մեզ ետ պահում: Այսպիսով, հմուտ վիրաբույժի նման, Նա գնաց աշխատանքի:
>>>> Թող ինչ-որ մեկը նորից կարդա Մարկոս 10:24-27։
Ծանուցում։ Գիտեմ, որ կան շատ մեկնաբանություններ ուղտի և ասեղի անցքի մետաֆորի վերաբերյալ։ Հավանաբար, լավագույնը հենց բառացի մեկնաբանությունից սկսելն է։
ՀԱՐՑ — Եթե մենք մետաֆորը բառացիորեն հասկանանք, ապա դա ի՞նչ կնշանակի։
ՊԱՏ. — Այն մատնանշում է գաղափարի անհնարինությունը։ Ուղտն ասեղի անցքով ավելի հեշտ է անցնում (որն անհնար է), քան հարուստ մարդը երկնքի արքայություն է գնում (այսպիսով, թվում է, թե անհնար էր, որ հարուստներն ընկնեն երկինք)։
ՀԱՐՑ — Ինչո՞ւ են շատերը փորձում ուղտի մետաֆորը մեկնաբանել այլ կերպ, քան ուղիղ իմաստով։
ՊԱՏ. — Գուցե նրանք նկատի ունեն ցածր դարպասի գաղափարը, որը կոչվում է «ասեղի աչք»`շեշտելու, որ այդտեղից անցնելու համար ուղտերը պետք է ծնկի գան: Այսպիսի դարպասի մասին մեջբերումը շեշտադրում է խոնարհության անհրաժեշտությունը: Հարուստ մարդիկ պետք է խոնարհ լինեին՝ երկնքի արքայություն գնալու համար։ Սա խելամիտ նկատառում է: Այնուամենայնիվ, այս մեկնաբանությունը կարող է վտանգավոր լինել՝ իրավիճակը հսկելու հնարավորությունը հարուստի ձեռքը թողնելու առումով: Նրանք չեն ցանկանում, որ փրկվելն անհնար լինի հարուստների համար, վերջիններս պարզապես պետք է խոնարհ հոգի ունենան: Եթե նրանք մեկնաբանեն այլաբանությունն այլ կերպ, նրանք կարող են շեղվել այն փաստից, որ հարուստների համար անհնար է մտնել Աստծո թագավորություն:
ՀԱՐՑ — Արդյոք ուրիշ կերպ կարելի՞ է հարուստ լինել, քան դրամով։ Թվարկե՛ք մի քանիսը։
ՊԱՏ. — Ունենալ լավ տուն, լավ տեսք, լավ ակադեմիական կրթություն, լավ մարզիկ լինել, ունենալ լավ կարիերա, ժողովրդականություն, հոգևոր բարձր հեղինակություն, երաժշտական ընդունակություն և այլն:
Ծանուցում։ Ուշադրությո՛ւն դարձրեք, որ անհնարինության մասին կար երկու տող. Մարկոս 10:25 և 10:27։
ՀԱՐՑ — Ի՞նչ նշանակություն ունի 10:27-րդ տողը։
ՊԱՏ. — Մարդկանց համար նման բաներն անհնար են, բայց Աստծո համար՝ հնարավոր։
ՀԱՐՑ — Այս երկու (10:25 և 27) համարները որևէ կապ ունե՞ն իրար հետ։
ՊԱՏ. — Այլ աստվածներին երկրպագելուց, ինչպիսին է օրինակ փողը, ինքներս մեզ ազատելն անհնար է, որովհետև փրկությունն Աստծուց է։ Կյանքի փորձառությանը զուգընթաց՝ մենք սկսում ենք հասկանալ, որ նման բաները մենք մեր ուժերով չենք կարող անել։ Բացի այդ, եթե մենք կարողանայինք դա անել, ապա դրանով սնած կլինեինք մեր հպարտությունը։
Ծանուցում։ Ի պատասխան երիտասարդ տղամարդու հարցին՝ «ինչպե՞ս կարող ենք մենք հավիտենական կյանք ունենալ», կարող ենք ասել, որ վերջնական քայլը հետևյալն էր․ «եկե՛ք և հետևե՛ք Հիսուսին»։ Այնուամենայնիվ, նա պետք է թողներ իր կեղծ ապահովության զգացողությունը ետևում, իսկ սա անելու համար նա օգնության կարիք ուներ, գերբնական օգնության: Նա իսկապես կարիք ուներ առ Հիսուս գնալու և Նրան հետևելու:

Մենք օգնության կարիք կզգանք՝ սովորելու սիրել Աստծուն այսօրվա մեր բոլոր կեղծ ապահով վայելքներից վեր: Նույնիսկ արմատական վիրահատության կարիք կարող է զգացվել՝ վերջինս իրականացնելու համար: Ավագ Շաբաթի ժամանակ շուտով աշակերտները պետք է մտնեին իրենց սեփական վիրահատական սենյակը։ Ձեզանից ոմանք, հնարավոր է, ապագայում մտնեն նման վիրահատական սենյակ կամ անգամ հնարավոր է վիրահատական գործընթացի մեջ են արդեն… Վիշտը, կորուստը և ցավն այս պարագայում կարող են լինել Աստծո գործիքները:

ԱՍՏՎԱԾԱՇՆՉՅԱՆ ՀՂՈՒՄՆԵՐ

Մարկոս10:17-27
Մեծահարուստ մարդը
(Մտթ. 19.16-24, Ղուկ. 18.18-26)
17 Հիսուսը պատրաստվում էր ճանապարհ ընկնել, երբ մեկը վազելով մոտեցավ, ծնկի գալով՝ նրան հարցրեց. «Բարի՛ վարդապետ, ի՞նչ պետք է անեմ, որ հավիտենական կյանքը ժառանգեմ»։ 18 Հիսուսը նրան ասաց. «Ինչո՞ւ ես ինձ “բարի” անվանում. ոչ ոք բարի չէ, բացի միայն մեկից՝ Աստծուց։ 19 Պատվիրանները գիտես. “Մի՛ շնացիր, մի՛ սպանիր, մի՛ գողացիր, սուտ մի՛ վկայիր, ուրիշի ունեցածը մի՛ խլիր, քո հորն ու մորը պատվի՛ր” (Ելք 20.14, 13, 15-17, 12, Բ Օր. 5.18, 17, 19-21, 16)»։ 20 Իսկ նա պատասխանեց. «Վարդապե՛տ, այդ բոլորն իմ մանկությունից ի վեր պահել եմ»։ 21 Հիսուսը սիրալիր նայեց նրան ու ասաց. «Քեզ մի բան է պակասում։ Եթե կամենում ես, գնա՛, ինչ որ ունես, վաճառի՛ր ու աղքատների՛ն բաժանիր և երկնքում գանձ կունենաս։ Վերցրո՛ւ խաչը* և արի՛ իմ հետևից»։ 22 Բայց նա, այդ խոսքից մռայլվելով, տրտմած գնաց, որովհետև մեծ ունեցվածքի տեր էր։
23 Եվ Հիսուսը, շուրջը նայելով, իր աշակերտներին ասաց. «Որքա՜ն դժվար է հարստություն ունեցողների համար Աստծու արքայությունը մտնել»։ 24 Աշակերտները զարմացած էին նրա խոսքերի վրա։ Սակայն Հիսուսն ասաց նրանց. «Որդյակնե՛ր, որքա՜ն դժվար է Աստծու արքայությունը մտնել նրանց համար, ովքեր իրենց հույսը հարստության վրա են դրել*։ 25 Ավելի հեշտ է, որ ուղտն ասեղի ծակով անցնի, քան հարուստն Աստծու արքայությունը մտնի»։ 26 Աշակերտներն ավելի էին զարմանում և միմյանց ասում. «Հապա ո՞վ կարող է փրկվել»։ 27 Հիսուսը նրանց նայեց ու ասաց. «Մարդկանց համար դա անհնար է, բայց ո՛չ Աստծու համար։ Աստծու համար ամեն ինչ է հնարավոր»։

Ելից 20:3
3 Ինձանից բացի ուրիշ աստվածներ չունենաս։

Հայտնություն 21:2-3
2 Տեսա սուրբ քաղաքը՝ նոր Երուսաղեմը, որ իջնում էր երկնքից՝ Աստծու մոտից, պատրաստված և ինչպես իր ամուսնու համար զարդարված մի հարս։ 3 Եվ գահից մի ուժեղ ձայն լսեցի, որ ասում էր. «Ահա Աստծու խորանը, որ նա բնակվելու է մարդկանց հետ։ Նրանք կլինեն նրա ժողովուրդները, իսկ ինքը կլինի նրանց Աստվածը, որ նրանց հետ է։

Հյատնություն 22-23
22 Եվ նրա մեջ տաճար չտեսա, որովհետև Տեր Աստված Ամենակալը և Գառն է նրա տաճարը։ 23 Քաղաքը ո՛չ արևի, ո՛չ էլ լուսնի կարիք ունի, որպեսզի իրեն լուսավորեն, որովհետև Աստծու փառքն է լուսավորում նրան, և Գառը՝ նրա ճրագը։