ՄԱՐԿՈՍ 10:35-45 ԴԱՍ # 28
ՊԱՏՎԻ ԻՐԱԿԱՆ ՆՇԱՆԱԿՈՒԹՅՈՒՆԸ

I. Ողջույնի խոսք:
II. Ներածություն. փորձելով լինել մտերիմ և անկեղծ։
Ծանուցում: Ընկերներ ունենալը կյանքի ամենամեծ ուրախություններից է, բայց վերջինս կարող է նաև ամենազայրացուցիչ բաներից լինել։
ՀԱՐՑ — Դուք երբևիցե փորձե՞լ եք ընկերոջ հետ հաղորդակցվել, և նրանք չեն լսել, թեպետ դուք շարունակել եք լավ ընկեր մնալ։
Ծանուցում: Զայրացուցիչ է, այդպես չէ՞։ Իր շատ մոտ ընկերների՝ Իր աշակերտների հետ էլ Հիսուսն այս նույն խնդիրն ունեցավ։ Նա փորձեց սիրտը բացել, կիսվել և օգնել նրանց հասկանալ ոչ միայն Իր գալիք տառապանքը խաչի վրա, այլ նաև Իր առաքելության իրական բնույթը։ Դուք միայնակ չեք ձեր վրդովմունքում. դա հաճախ կյանքի մի մասն է, որ Նա կիսում է ձեզ հետ:
Ծանուցում: Այսօր մենք կքննարկենք անհավանական մի բան։ Այն ձեզ կապշեցնի, բայց նախևառաջ եկե՛ք վերանայենք հետևյալը․
>>>> Ինչ-որ մեկը թող կարդա Մարկոս 10:32-34:
ՀԱՐՑ — Հիսուսն ի՞նչ էր ասում Իր ապագայի մասին։
ՊԱՏ. — Նա կանխատեսեց տառապանք և ցավ, բայց նաև հաղթանակ։ Այս երեք բաները սերտ կապված էին Հիսուսի ծառայության ճշմարիտ ընկալման հետ: Հիսուսը փորձեց ճշմարտությունն ասել աշակերտներին։ Նա նաև ցանկացավ Իր գալիք դժվարությունների մասին խոսել նրանց հետ։
III. Խորհե՛ք դիրքի, հպարտության և փառքի շուրջ. Մարկոս 10:35-37։
>>>> Ինչ-որ մեկը թող կարդա Մարկոս 10:35-37:
ՀԱՐՑ — Նրանք հասկացա՞ն 10:32-34-ում Հիսուսի ասածը։ Նրանք ականջ դրեցի՞ն Հիսուսի պլաններին կամ Նրա գալիք տառապանքին։
ՊԱՏ. — Ոչ, նրանք ամբողջությամբ անտեսեցին այն, ինչ Հիսուսն էր խոսում: Նրանք ունեին իրենց պլանները:
ՀԱՐՑ — Նրանք ինչո՞վ էին մտահոգված։
ՊԱՏ. — Նրանք մտահոգված էին իրե՛նց դիրքով և կարգավիճակով։ Իհարկե, այսօր ծառայողները երբեք սա չեն անում։ Սուրբ առաքյալները սակայն արեցին դա։ Պատմության մեջ ամենակարևոր բանով Հիսուսը կիսվեց, իսկ նրանք մտահոգված էին այն բանով, թե ով ուր կնստի։ Անհավանական է, զարմանալի և ապշեցուցիչ։
ՀԱՐՑ — Ի՞նչ կարծիք ունեք այս մարդկանց մասին։
ՀԱՐՑ — Հիսուսն ի՞նչ էր անում Մարկոս 10:36-ում։
ՊԱՏ. — Նա նրանց հորդորեց ասել ճշմարտությունն իրենց ցանկությունների մասին։
ՀԱՐՑ — Հիսուսը լսե՞ց նրանց։
ՊԱՏ. — Այո։
ՀԱՐՑ — Նա կլսի՞ մեզ։
ՊԱՏ. – Այո՛, նա կլսի։ Եկե՛ք այս պահին դադար տանք և ճշմարտապես ասենք Աստծուն, թե մենք ինչ ենք իրականում ցանկանում։ Միևնույնն է, Նա գիտի։ Մենք պետք է որ Աստծո գործով մտահոգված լինենք, մինչդեռ մենք մտահոգված ենք մեր իսկ պլաններով։ (Դադա՛ր տվեք այստեղ և առաջնորդե՛ք նրանց աղոթքի), միգուցե ժամանակի որոշ մասը լռության մեջ անցկացնեք և քաջալերեք մարդկանց՝ առանձին Աստծուն ասել իրենց սրտի ցանկությունների մասին։
Ծանուցում: Հաճախ մենք չենք հասկանում, թե Հիսուսն ինչ է ցանկանում մեզ ասել Քրիստոնեական ճշմարտության մասին։ Աշակերտները դեռ Հիսուսի ծառայությունը տեսնում էին այնպես, ինչպես իրենք էին ցանկանում․վախճանաբանական Տեր, ով կվերականգնի Դավթի թագավորությունը (Լեյն, 378)։ Աշակերտները հավատում էին, որ Իսրայել ազգը նշանավոր կդառնա աշխարհում, և նրանք բոլորն էլ կդառնան լորդեր կամ մարզպետներ։ Նրանք Հիսուսին տեսնում էին որպես սեփական հաջողություններին հասնելու միջոց:
ՀԱՐՑ — Նրանք իրականում հասկացա՞ն Հիսուսի խոսքերը գալիք սեփական մահվան մասին։
ՊԱՏ. — Ոչ, սական Մարկոս 8-10-ում Նա նրանց հինգ անգամ ասո՛ւմ է այս մասին։
Ծանուցում: Աստված կարո՞ղ է մեզ իմաց տալ Իր սրտի միջինը, թե՞ մենք էլ աշակերտների նման ենք՝ պարուրված մեր սեփական հաջողության պլաններով։ Մենք պնդում ենք, որ դավանում ենք ճշմարիտ աստվածաբանություն, բայց իրականում չենք լսում մեր Տիրոջը։
Ծանուցում: Հաճախ դժվար է գտնել մեկին, ով հոգ է տանում այն մասին, ինչի մասին Աստված է հոգ տանում:
IV. Հիսուսի իսկության ստուգումը. Մարկոս 38-40։
>>>> Ինչ-որ մեկը թող կարդա Մարկոս 10:38-40։
ՀԱՐՑ — Ինչպե՞ս Հիսուսն արձագանքեց նրանց հարցմանը։
ՊԱՏ. — Նա պատասխանեց՝ տառապանքի մարտահրավեր նետելով նրանց։ Հին կտակարանում բաժակը խորհրդանշում է «դատաստանի բաժակ»։ Եթե բաժակը նշանակում է դատաստան, ինչո՞ւ պետք է Հիսուսը դատապարտվեր։ Նա պետք է կրեր մեր մեղքերը։ Նա պետք է խմեր դատաստանի բաժակը մեր մեղքերի համար։
ՀԱՐՑ — Արդյո՞ք կար այլ տառապանք, որ հավասար էր Հիսուսի տառապանքին։
ՊԱՏ. — Ո՛չ։
ՀԱՐՑ — Ինչո՞ւ նրանք պատասխանեցին «այո»։
ՊԱՏ. — Ճիշտ է, որ նրանք տառապելու էին, բայց ոչ ողջ աշխարհի փրկության համար։
>>>> Նորի՛ց կարդացեք Մարկոս 10:40։
ՀԱՐՑ — Ի՞նչ էր դա նշանակում։
ՊԱՏ. — Հիսուսը հնազանդվեց Հոր կամքին, օրինակ՝ տես Գրծ. 1:7։
>>> Կարդացե՛ք Գրծ. 1:7։ Հիսուսը պատրաստված էր և հետևաբար կհնազանդվեր։
V. Զայրացած արձագանք. Մարկոս 10:41։
>>>> Ինչ-որ մեկը թող կարդա Մարկոս 10:41։
ՀԱՐՑ — Մյուս աշակերտն ինչպե՞ս արձագանքեց։ Ինչո՞ւ։
ՊԱՏ. — Նրանք զայրացա՛ն։ Ինչո՞ւ զայրույթ։ Դե, ուրիշին ճանաչելու համար մենք էլ պետք է նույնից ունենանք մեր մեջ։ Հաճախ մենք ուրիշների մեջ քննադատում ենք այն, ինչ տեսնում ենք մեր մեջ։
ՀԱՐՑ — Այսօր ձեր իմացած մարդկանց ի՞նչն է կուրացնում։ Որևէ մեկը կցանկանա՞ կիսվել։
ՀԱՐՑ — Երբևիցե առաքյալները հասկացա՞ն Հիսուսի պլանները,երբևիցե նրանք փոխվեցի՞ն։
ՊԱՏ․ — >>>> Ինչ-որ մեկը թող կարդա Գրծ. 12:2 >>>> Ինչ-որ մեկը թող կարդա Հտ. 1:9։ Կարծես թե նրանք ի վերջո գիտակցեցին, որ բաժակից խմելը ավելի մեծ արժեք ուներ, քան դիրք ու հաջողություն փնտրելը։
Ծանուցում: Հույսով լցվեք. թող Հիսուսը շարունակի աշխատել մեզ հետ և թող նա շարունակի իր քննադատությունը, այս դեպքում միայն մենք առաջադիմություն կգրանցենք:
VI. Փառքի ճշմարիտ ճանապարհը. Մարկոս 10:42-45։
>>>> Ինչ-որ մեկը թող կարդա Մարկոս 10:42-45։
ՀԱՐՑ — Մարկոս 10:42-ում Հիսուսն ի՞նչ ասաց «հեթանոսների» կամ «անհավատների» և նրանց կողմից իշխանության օգտագործման մասին։
ՊԱՏ. — Հեթանոսները (ում հրեաները արհամարհում էին) իշխում էին «իրենց վրա»։
Ծանուցում: Ուշադրությո՛ւն դարձրեք, որ 43ա-ն չի ասում «չպետք է լինի», այլ՝ «այդպես չէ»։ Աստծո թագավորության իրական առաջնորդները, իրական ղեկավարներն այդպես չեն։ Հիսուսը չէր խոսում այն մասին, թե ինչ պետք է լինի, այլ թե ինչ կա իրականում։ Եթե մենք կարծում ենք, որ քրիստոնյաների մեջ դիրք կամ ճանաչում ձեռքբերելու համար մեր ամբարտավանությունը և հպարտությունն առաջնորդություն է, մենք խաբում ենք ինքներս մեզ։ Իրական իշխանությունը գալիս է ծառայելուց։
ՀԱՐՑ — Մարկոս 10:43-44-ում ի՞նչ հրահանգներ են տրված «ինչպես լինել մեծավոր»։
ՊԱՏ. — Մեծավոր լինելու համար նախ պետք է ծառա լինել։ Եթե մեկը ցանկանում էր առաջինը լինել, նա պետք է բոլորի ծառան լիներ։
ՀԱՐՑ — Գործնականորեն սա ի՞նչ է նշանակում։
ՊԱՏ. — Թույլ տվեք ունկնդիրներին իրենց խոսքերով պատասխանեն այս հարցին։
ՀԱՐՑ — Ձեր սեփական փորձից կարո՞ղ եք առաջնորդի օրինակ բերել։
ՊԱՏ. — Թույլ տվեք նրանց օրինակներ բերել. եթե նրանք օրինակներ չունեն, դուք ինքներդ մեկ օրինակ բերեք։
Ծանուցում: 45-րդ համարը թե մոտիվացիա է ծառա-առաջնորդության և թե օրինակ՝ Հիսուսին հետևելու: Որպես օրինակ՝ Հիսուսը երկրի վրա ապրած մեծագույն, խելացի, տաղանդավոր, հոգևոր և ամենաազդեցիկ մարդն էր։ Նա ծառայեց, նույնիսկ կյանքի գնով: Ծառայություն մատուցելու լավագույն շարժառիթը իրեն նմանվելու ցանկությունն է:
ՀԱՐՑ — Գործնականորեն ի՞նչ է նշանակում «ոչ թե ծառայություն ընդունելու, այլ ծառայելու»։ Նմանատիպ մեկին վերջերս դուք հանդիպե՞լ եք։
ՊԱՏ. — Թույլ տվեք նրանց կիսվել օրինակներով։ Անհրաժեշտության դեպքում ինքներդ որոշ առաջարկություններ արեք, որ գործնականորեն կարելի է անել։
ՀԱՐՑ — Գործնականորեն ինչպե՞ս կարող է մեզ համար կիրառելի լինել այս հատվածը՝ «կյանքը տալ որպես փրկագին շատերի համար»։
ՊԱՏ. — Ստեղծագործ միտք և ջանքեր են պահանջվում՝ հասկանալու համար, թե ինչպես մեկը կարող է փոխաբերական իմաստով մահանալ ընտանիքի անդամի, օրինակ՝ ծնողի, եղբոր կամ քրոջ համար։ Սովորաբար, սա կարող է ի կատար ածվել մեր կյանքի որոշ հայեցակետերի զոհաբերությամբ՝ մահով։
Ծանուցում: Մարդկանցից շատերը տառապում են ցածր ինքնագնահատականով և փորձում են հաղթահարել վերջինս բարձր պաշտոն ձեռքբերելով, բայց առողջ ինքնագնահատականը ուրիշներին ծառայելուց է առաջ գալիս։ Հիսուսն ինքնագնահատականի խնդիր չուներ, երբ ծառայում էր ուրիշներին և հատկապես ծառայում էր զոհաբերությամբ։
VII. Ամփոփում. դեպի խաղաղություն ճանապարհը՝ մեր անապահովության բարդույթների հաղթահարումով։
1. Ասե՛ք Հիսուսին, թե դուք ինչ ենք իրականում ցանկանում (10:36)։
2. Ակա՛նջ դրեք Իրեն միանալու մարտահրավերին (10:38-39)։
3. Հետևե՛ք հրահանգներին (Մարկոս 10:43-44)։
4. Գոտեպնդվե՛ք։ Աշակերտները շատ դանդաղում էին սովորելու մեջ, անգամ հակառակ այն փաստին, որ Հիսո՛ւսն էր նրանց ուսուցիչը։ Այնուամենայնիվ, նրանք ի վերջո հասկացան, թե որն էր իսկական իշխանությունը։
Ծանուցում: Հովհաննեսն ի վերջո հասկացավ և հետո շատ գեղեցիկ շարադրեց այն, թե ինչպես էր Հիսուսն այնքան շատ ջանք թափում իրեն սովորեցնելու համար։
>>>> Կարդացե՛ք Հհ․ 3:16։

ԱՍՏՎԱԾԱՇՆՉՅԱՆ ՀՂՈՒՄՆԵՐ

Մարկոս 10:32-45
Հիսուսը դարձյալ խոսում է իր մահվան և հարության մասին
(Մտթ. 20.17-19, Ղուկ. 18.31-34)
32 Նրանք Երուսաղեմ բարձրանալու ճանապարհին էին։ Հիսուսը նրանցից առաջ ընկած գնում էր. աշակերտները զարմացած ու վախեցած նրան էին հետևում։ Հիսուսը տասներկուսին դարձյալ առանձնացրեց և սկսեց նրանց ասել, թե իրեն ինչե՛ր են պատահելու։ 33 «Ահա Երուսաղեմ ենք ելնում, և Մարդու Որդին կմատնվի քահանայապետների և դպիրների ձեռքը. նրան մահվան կդատապարտեն, նրան հեթանոսներին կհանձնեն։ 34 Նրան կծաղրեն, նրան կծեծեն, նրա վրա կթքեն ու կսպանեն նրան, և երրորդ օրը հարություն կառնի»։
Զեբեդեոսի որդիների խնդրանքը
(Մտթ. 20.20-28)
35 Եվ Զեբեդեոսի որդիները՝ Հակոբոսն ու Հովհաննեսը, մոտեցան նրան ու ասացին. «Վարդապե՛տ, ուզում ենք, որ այն, ինչ քեզանից խնդրելու ենք, անես մեզ համար»։ 36 Հիսուսը հարցրեց նրանց. «Ի՞նչ եք ուզում, որ ես ձեզ համար անեմ»։ 37 Նրանք ասացին նրան. «Մեզ շնո՛րհ արա, որ քո փառքի մեջ մեկս քո աջ կողմում նստի, մյուսս՝ քո ձախ կողմում»։ 38 Այդժամ Հիսուսը նրանց ասաց. «Չգիտեք, թե ի՛նչ եք խնդրում։ Կարո՞ղ եք այն բաժակը խմել, որ ես եմ խմելու, կամ այն մկրտությամբ մկրտվել, որով ես եմ մկրտվելու»։ 39 Նրանք ասացին նրան. «Կարող ենք»։ Իսկ Հիսուսը նրանց ասաց. «Այն բաժակը, որ ես եմ խմելու, կխմեք, և այն մկրտությամբ, որով ես եմ մկրտվելու, կմկրտվեք, 40 բայց իմ աջ ու ձախ կողմերում նստելը ե՛ս չեմ տալիս, այլ տրվելու է նրանց, որոնց համար պատրաստված է»։
41 Երբ մնացած տասը աշակերտները լսեցին այս, սկսեցին Հակոբոսի ու Հովհաննեսի վրա բարկանալ։ 42 Հիսուսը նրանց իր մոտ կանչեց ու ասաց. «Գիտեք, որ հեթանոսների մեջ ովքեր իշխան են համարվում, տիրում են նրանց, և նրանց մեծամեծները իշխում են նրանց վրա։ 43 Բայց ձեր մեջ այդպես չպետք է լինի, այլ ձեզանից ով ուզում է մեծ լինել, պետք է ձեր սպասավորը լինի։ 44 Եվ ձեզանից ով ուզում է առաջինը լինել, բոլորի ծառան պետք է լինի։ 45 Որովհետև Մարդու Որդին նույնպես չեկավ, որ իրեն ծառայեն, այլ որ ինքը ծառայի ու շատերի համար իր կյանքը որպես փրկագին տա»։

Գրծ․ 1:7
7 Եվ Հիսուսն ասաց նրանց. «Ձեր գործը չէ ժամերն ու ժամանակներն իմանալը, որ Հայրն իր իշխանությամբ սահմանեց։

Գրծ․ 12:2
2 Եվ սրով սպանեց Հակոբոսին՝ Հովհաննեսի եղբորը։ 3

Հտ․ 1:9
9 Ես՝ Հովհաննեսս՝ ձեր եղբայրը, Հիսուսով ընկերակիցը նեղության, արքայության և համբերության, Աստծու խոսքի և Հիսուս Քրիստոսի վկայության համար եղա Պատմոս կոչված կղզում։

Հհ․ 3:16
16 Ուրեմն քանի որ գաղջ ես և ո՛չ տաք, ո՛չ էլ սառը, քեզ իմ բերանից պիտի փսխեմ։