Մարկոսի ավետարանի ուսումնասիրության ներածությունը

I. Ողջույնի խոսք: ․
Այս նյութը նպատակ է հետապնդում Մարկոսի ավետարանի խմբակային խորացված ուսուցման՝ ինտերակտիվ և դիրեկտիվ մեթոդների կիրառմամբ․ մարդիկ ազատ են լինելու, նաև քաջալերվելու են իրենց սեփական կարծիքն ունենալու և կիսվելու խմբի հետ։ Ամենակարևորը, մարդիկ պետք է քննարկեն աստվածաշնչյան տեքստի իմաստը։ Այս նյութը կարելի է նաև քարոզների համար օգտագործել, բայց այն ի սկզբանե նախատեսվել է Աստծո խոսքը ուսումնասիրելու այնպես, որ մարդիկ ինքնուրույն (իհարկե, որոշակի ուղղորդմամբ) կարողանան տեսնել և ընկալել «Աստծո գեղեցկությունը»։
1. Լսարանի կամ խմբի անդամներից որևէ մեկը պետք է կարդա տեքստը։ Բացառությամբ որոշ հատուկ դեպքերի՝ տեքստը չպետք է կարդացվի առաջնորդի կողմից։ Այս մեթոդն օգնում է մարդկանց ներգրավվելու։
2. Ընթերցումներին սովորաբար հաջորդում են հարցերը։ Լսարանը որքան շատ ներգրավվի, խոսի և տեքստը քննարկի, այնքան լավ։ Պատասխանները պետք է ծավալվեն միայն տեքստի շրջանակներում կամ տեքստի ենթադրյալ իմաստը հասկանալ փորձելով։
3. Հարցերին հաջորդող պատասխանները հիմնականում պետք է ծառայեն որպես օգնող գործիքներ։ Եթե խումբն ինքն է ինքնուրույն պատասխաններով հանդես գալիս, ապա առաջնորդը չպետք է ավելին խոսի։ Այս դասերից շատերում կան հարցեր, որոնց պատասխանները գրառված չեն․ առաջնորդին հարցերի պատասխանը տրամադրված չէ։ Նշված դեպքերում պատասխանները համարվում են անկարևոր, և առաջնորդը կախված է լինում խմբից։ Այս դեպքերում, եթե խումբը պատասխան չի առաջարկում, տվյալ հարցերն անպատասխան են մնում։
4. Դուք, իհարկե, կնկատեք, որ «Ողջույնի խոսք» բաժինները դատարկ էջեր են։ Պատճառն այն է, որ յուրաքանչյուր խումբ ունի իր ուրույն առանձնահատկությունները, և առաջնորդը, հաշվի առնելով այդ առանձնահատկությունները, պետք է «Ողջյունի խոսքը» համապատասխանեցնի տվյալ խմբին։
II. Աղբյուրները․
Այս դասընթացի համար օգտագործվել է երեք մեկնողական գրականություն․
1. Վիլյամ Լեյն, Ավետարան ըստ Մարկոսի, (Էրդմանս․ Գրանդ Ռապիդս, 1975):
(Նշված է որպես «Լեյն», և զետեղված են էջի համարները):
2. Վիլյամ Բարքլի, Ավետարան ըստ Մարկոսի, (Վեստմինստերի մամուլ․ Ֆիլադելֆիա, 1956):
(Նշված է որպես «Բարքլի», և զետեղված են էջի համարները):
3. Սբ․ Քրիսոստոմ, Սուրբ Մատթեոսի ավետարանի ուսուցում, Նիկիայի և հետ-Նիկիայի շրջանի Հայրերը, հատոր X, (Էրդմանս. Գրանդ Ռապիդս, 1975):
(Նշված է որպես «Քրիսոստոմ», և զետեղված են էջի համարները)։ Այս հատորը Մատթեոսի ավետարանի մասին է, բայց քանի որ Մարկոսի ավետարանի 90 տոկոսը Մատթեոսի գրքում առկա է, ես ուղղակի յուրաքանչյուր կոնկրետ հատվածի համար խաչաձև հղումներ եմ անում Մատթեոսի և Մարկոսի ավետարաններից։
Բացի այդ, այս դասընթացը հաճախ ավելի շատ կախված է լինում իմ «կառուցվածքային վերլուծությունից» կամ էլ կոնկրետ հատվածի ուրվագծից։ Ուրվագծերը մեծ օգնություն են՝ հատվածները վերլուծելու և հասկանալու համար։
III. Նպատակը.
Ես եկա այն եզրակացության, որ Մարկոսի ուսուցումը ըստ փուլերի ներկայացնելը հույժ կարևոր է։ Մի քանի շաբաթով պետք է դադար առնել կամ Աստվածաշնչի ավելի փոքր գիրք ուսումնասիրել՝ 12-15 դասընթացներից հետո։ Բազմազանությունը, որպես դադարի միջոց, շատ օգտակար է, քանի որ այն օգնում է նորովի վերադառնալ ուսումնասիրվող տեքստին՝ շեշտադրելով Հիսուսի գործողությունները և բառերը։
Ես հուսով եմ, որ այս դասընթացի նյութերը կօգնեն ձեզ ձեր իսկ դասընթացներում նրանց համար, ում Աստված ձեզ է վստահել։ Իմ անձնական դասախոսությունների ընթացքում արված նկարագրությունները ես մտածված չեմ զետեղել այստեղ՝ հնարավորություն տալով ձեր դասընթացներն անհատականացնելու։ Ամենագլխավորը, ես խորհուրդ կտայի, որ դուք ժամանակ տրամադրեիք ձեր խմբի անդամների համար աղոթելու, ինչպես նաև տեքստին համապատասխան ապրելու։ Ի վերջո, եթե մենք իրոք ցանկանում ենք միմյանց օգնել, ապա Աստված կօրհնի մեզ մեր ջանքերում։