ՄԱՐԿՈՍ 13:5-23 ԴԱՍ #37
ՀԻՍՈՒՍԻ ՆՈՐԻՑ ԳԱԼԸ

I. Ողջույնի խոսք:
II. Ներածություն: Բրիտանացի գիտնական Ուիլյամ Բարքլին ասում է, որ ժամանակակից աշխարհում մենք հաճախ անտեսում ենք երկու վարդապետություններ, որովհետև վերջիններս չեն տեղավորվում մեր հարմարավետության գոտում (Բարքլի, էջ 330): Իր շրջապատում Բարքլին նկատել է, որ դժոխքի և Հիսուսի Երկրորդ գալստյան վարդապետությունների մասին մարդիկ խուսափում են խոսել: Երկուսն էլ կարող են ենթադրել իսկապես գերբնական հավատքի կառույց, և երկու վարդապետություններն էլ մեզ համար անհարմարավետություն են ստեղծում: Մեր վերջին դասին մենք նշեցինք, որ Մարկոս 13:2-ում Հիսուսը կանխագուշակեց Տաճարի անկումը: Աշակերտները հակադարձեցին Մարկոս 13։4-ում:
>>>> Ինչ-որ մեկը թող կարդա Մարկոս 13:4։ Մարկոս 13:5-23-ում գրվածը իրենց հարցի պատասխանն է, որն էլ որ մենք այսօր կուսումնասիրենք։
III. Մի՛ խաբվիր, ոչ էլ վախեցիր: Մարկոս 13:5-8։
>>>> Ինչ-որ մեկը թող կարդա Մարկոս 13:5-6։
ՀԱՐՑ — Այստեղ Հիսուսը հիմնականում ինչո՞վ է մտահոգված։
ՊԱՏ․ — Ճգնաժամի ժամանակ ի հայտ կգան կեղծ առաջնորդներ: Հիսուսի հիմնական անհանգստությունը նրա աշակերտի բարօրության համար էր: Այստեղ Իր՝ Հովվի սիրտն ենք մենք տեսնում։ Այլ կերպ ասած՝ Նրա մտահոգությունները ոչ թե ինչ-որ առեղծվածային ինֆորմացիա հաղորդելն էր, այլ Նա ավելի կենտրոնացած էր մեր բարօրության վրա: Հիսուսն անհանգստացած էր, թե ինչպես են նրանք ապրելու:
Ծանուցում։ Նա ուղիղ է արտահայտվում այս հատվածներում, և սա ցույց է տալիս Նրա մեծ մտահոգությունը այն մասին, թե արդյոք աշակերտները կկարողանան կատարել իրենց վստահվելիքը: 5-37 համարներում գրառված են 19 հրամայականներ կամ 19 հրամաններ կամ սահմանափակումներ (Լեյն, Էջ 446): Առաջին հատվածներում նախազգուշացումները վերաբերում են վատ առաջնորդներին: Ճգնաժամի ժամանակ նման առաջնորդներ միշտ են առաջ գալու։ Նա զգուշացնում և ուսուցանում էր, որ չխաբվեն:
>>>> Ինչ-որ մեկը թող կարդա Մարկոս 13:7-8։
ՀԱՐՑ — Ինչո՞ւ նրանք չպետք է վախենային։
ՊԱՏ․ — Նրանք արտոնված էին իմանալու այն, ինչ Աստված գիտեր: Հիսուսն ասում էր նրանց, որ նման բաները տեղի էին ունենալու, և որ այդ ամենը դեռ սկիզբն էր: Այսպիսով՝ Նա ցանկանում էր, որ նրանք կենտրոնանային և զգոն լինեին: Նրա ուղերձն էր․ «Մի՛ խաբվեք կամ վախեցեք։ Ամեն ինչ Աստծո ձեռքերում է»: Իսկ աշակերտների արձագանքը պայմանավորված էր լինելու նրանց հնազա՛նդ լինելով:
IV. Մի՛ հուսահատվեք հալածանքների ժամանակ․ Մարկոս 13:9-13։
>>>> Ինչ-որ մեկը թող կարդա Մարկոս 13:9-13։
ՀԱՐՑ — Մարկոս 13։9 –ում ինչո՞ւ նրանք պետք է ձերբակալվեին։
ՊԱՏ․ — Հանուն Հիսուսի: Ըստ Լեյնի՝ (էջ 464) աշակերտների կրելիք կանխատեսված հալածանքները Հիսուսի համար էին լինելու: Աշակերտների խնդիրների և հալածանքների միակ պատճառն այն էր լինելու, որ աշակերտներին նույնացնելու և կապելու էին Հիսուսի հետ: Խնդրե՛ք երեք հոգու՝ բացեն հետևյալ երեք տեքստերը և բարձրաձայն ու հերթականությամբ կարդան խմբի համար։
>>> Ինչ-որ մեկը թող կարդա Գրծ․ 9:1-2, Փպ․ 1:29, Կղ․1:24։
ՀԱՐՑ — Հիսուսին հետևելը պատիվ էր, թե՞ առավելություն։
ՊԱՏ․ — Այս հատվածները ցույց են տալիս, որ երբ ինչ-որ մեկը սերտորեն կապված է Հիսուս Քրիստոսի հետ, ապա վերջինս դրա համար մեծ գին, որպես կանոն, կվճարի: Վերադառնալով Մարկոսի ավետարանի մեր տեքստին ….
ՀԱՐՑ — Եթե Մարկոսի այս համարները Քրիստոսի Երկրորդ գալստյան տեքստեր լինեին, ապա աշակերտներն ինչպե՞ս պետք է զգոն լինեին։ Ի՞նչ կապ ուներ Հիսուսի պատճառով նախատինք կրելը պատրաստ լինելու հետ։
ՊԱՏ․ — Եթե մենք չենք կիսում մեր հավատքը այլ մարդկանց հետ կամ բաց չենք մեր հավատքը արտահայտելու մեջ, ապա սա կարող է խաթարել մեր պատրաստվածությունը: Նախատինքները կամ հալածանքները կարող են նշան հանդիսանալ մեր պատրաստվածության։
ՀԱՐՑ — Ինչո՞ւ Մարկոս 13.11-ում ասվում է՝ զերծ մնան մտահոգ լինելուց:
ՊԱՏ․ — Աստծո Հոգու միջոցով: Այստեղ շեշտադրվում է հոգու գործոնը։ Եթե նրանք իսկապես Աստծո զավակներ լինեն, ապա Աստծո Սուրբ Հոգին նրանց հետ կլինի հալածանքների ժամանակ։
Ծանուցում։ 13: 9-ում նշված դատարանները եղել են և կրոնական, և աշխարհիկ: Երբեմն աշակերտները խնդիրներ էին ունենալու քաղաքացիական իշխանությունների հետ, իսկ երբեմն էլ հենց կրոնական հաստատություններն էին հավատացյալներին խնդիրների առաջ կանգնեցնելու։
Ծանուցում։ Ա վետարանի քարոզչությունն էր, որ հալածանքների պատճառ դարձավ: Այսօր շատերն են ցանկանում քաղաքականապես կոռեկտ լինել և ավելորդ խնդիրներ չառաջացնել ավետարանչության մեջ: Եթե դուք ցանկանում եք խուսափել հետապնդումներից և հալածանքներից, ապա ընդհանրապես մի՛ ավետարանեք: Այսօր սա հատկապես արդիական է իսլամական երկրներում և անգամ Արևմուտքում: Եթե ավետարանչություն չանեք, ապա ոչ մի դժվարություն չեք ունենա, բայց դրա հետ մեկտեղ նաև Հոգուց խոսելու ուժ կամ ունակություն չեք ունենա: Եթե ձեր հավատքը չկիսեք ուրիշների հետ, ամեն ինչ հնարավոր է նորմալ թվա, բայց ինչ-որ բան անկասկած կպակասի ձեր կյանքից։
ՀԱՐՑ — 12-րդ տողը արդյո՞ք աշակերտների համար հուսահատական էր։ Ինչո՞ւ։
ՊԱՏ․ — Դավաճանված լինելը ծայրաստիճան հուսահատեցնող է: Ձեզ երբևիցե դավաճանե՞լ են։ Եթե դա դեռ տեղի չի ունեցել, ապա անպայման մի օր տեղի կունենա: Դա տեղի է ունեցել նաև առաջին դարի եկեղեցում:
ՀԱՐՑ — Դուք տեսնո՞ւմ եք դավաճանության «ինչու» հարցի պատասխանը 13։13-ում։ Եվ ո՞րն էր պատճառը։
ՊԱՏ․ — Դավաճանությունը Հիսուս Քրիստոսի հանդեպ մեր նվիրվածության պատճառով է լինում: Դավաճանությունը շատ սուր ցավ է պատճառում, և դավաճանությունից ամոքվելը հաճախ ամենադժվար բաներից մեկն է լինում: Վերջինս կարող է մեզ ավելի շատ վնաս պատճառել և հուսալքություն, քան ուրիշ այլ բաներ: Բարքլին պատմում է մի մարդու մասին, որը գերեվարվել էր նացիստների կողմից և խստորեն խոշտանգվել՝ մտավոր և ֆիզիկապես: Նա այդ ընթացքում չի կոտրվել և հուսահատվել: Վերջապես նացիստները նրան ազատ են արձակել, որ տուն գնա: Կարճ ժամանակ տանը լինելուց հետո նա ինքնասպանություն է գործել: Հետագայում պարզվել է, որ իր փորձություններից և տառապանքներից ազատվելուց հետո, երբ տղամարդը տուն է եկել, իմացել է, թե ով է իրեն նացիստների ձեռքը տվել․ նրա որդին: Նա չի կարողացել դիմակայել նման դավաճանությանը (Բարքլի, էջ 327-328): Հիսուսն ասաց, որ աշակերտները պետք է կարողանան դիմակայել ծանրագույն դավաճանություններին:
ՀԱՐՑ — Արդյոք Հիսուսը դավաճանության փորձառություն ունեցա՞վ։
ՊԱՏ․ — Հիշեք, որ Հիսուս Քրիստոսը դավաճանվեց իր ամենամոտ հետևորդներից մեկի՝ Հուդայի կողմից։ Հիսուսն Իր փորձառությամբ նախատիպ դարձավ Իր հետևորդների գալիք տառապանքների (Լեյն, 461)։
V. Սրբապղծություն, փախուստ և զգոնություն։ Մարկոս 13:14-23։
>>>> Ինչ-որ մեկը թող կարդա Մարկոս 13:14-23։
ՀԱՐՑ — Այստեղ հիմնական խնդիրը ո՞րն էր։
ՊԱՏ․ — Փախո՛ւստը։ Փախուստի հրատապություն կար (15-16)․ ի՞նչ կարող էր խանգարել փախուստին (17-18), փախուստի պատճառները (19-20) և վերջնական խանգարող հանգամանքը՝ փախուստի դիմելու (21-22):
Ծանուցում։ Մարկը գրում է, որ գալու է մի ժամանակ, երբ տեղի են ունենալու գարշելի բաներ, և ոչինչ չի խոչընդոտելու աշակերտներին փախուստի դիմել։ Քրիստոսը նորից կվերադառնա Երկիր, և դրան նախորդելու է սոցիալական և հասարակական մեծ իրարանցում: Աշակերտները պետք է պատրաստ լինեին, պետք է զգոն լինեին։
ՀԱՐՑ — Ինչո՞ւ խաբեբաները (կեղծ մարգարեները) չէին ցանկանում ականջ դնել աշակերտների կողմից հնչեցված ահազանգին։
ՊԱՏ․ — Նրանք ցանկանում էին մարդկանց ոչխարի տեղ դնել, այլ ոչ թե իրական մարդու: Նրանք չէին լսում Աստծուն և չէին էլ ցանկանում, որ ուրիշները լսեն Աստծո ձայնը: Նրանք ավելի ցանկանում էին, որ մարդիկ զգայացունց կոչերի հետևեն՝ «ահա այստեղ է Քրիստոսը», «Նա այնտեղ է» և այլն։ Նրանց միակ ցանկությունը մարդկանց ոչ թե առ Փրկիչ առաջնորդելն էր, այլ նրանց օգտագործել՝ իրենց շահադիտական նպատակների համար: Եթե մենք զգոն լինենք Աստծո գործերի և կամքի հանդեպ, մենք կիմանանք, թե երբ պետք է փախչել, և, հետևաբար, մենք կարող ենք հաջողության հասնել: Դժվար ժամանակներ կգան, և հաջողության համար զգոնության անհրաժեշտություն կլինի:
ՀԱՐՑ — Որպես անհատ՝ եթե մենք իսկապես հավատում ենք Երկրորդ Գալուստին կամ դժոխքին, ապա դա ինչպե՞ս պետք է օգնի մեզ չդառնալու եսակենտրոն, սեռական մեղքի մեջ չընկնելու, նյութապաշտությամբ չտառապելու կամ եսապաշտ ցանկությունները հագուրդ տալու ներքո՝ կարիերայի չհետապնդելու։
ՊԱՏ․ — Եթե դուք ինչ-որ մեկին գիտեք, որ վերը թվարկված ծուղակներից որևէ մեկի մեջ չի ընկել, կիսվեք մեզ հետ։
ՀԱՐՑ — Որպես եկեղեցի կամ հավատացյալների մարմին՝ ինչպե՞ս կարող են կեղծ առաջնորդները մեզ խաբել կամ հոգևոր նիրհի մեջ գցել։
ՊԱՏ․ — Բազմաթիվ անգամներ կեղծ առաջնորդները եկեղեցին առաջնորդել են խորը նիրհի մեջ և ներգրավել այլ բաների մեջ, քան Ավետարանը քարոզելն է կամ ավետարանչության գործը։ Նրանք ուղղորդել են դեպի քաղաքականություն, ազգայնականություն, հոգևոր սենսացիոնիզմ և այլն։
ՀԱՐՑ — Եթե ձեզ հնարավորություն տրվի այս տողերում գրառված Հիսուսի հրամաններից ընտրել ընդամենը մեկը, ապա ո՞րը կընտրեք, ո՞րն է ձեզ համար ամենակարևորը։
ՊԱՏ․ — Զգո՛ւյշ եղեք կամ պատրա՛ստ կամ զգո՛ն։

ԱՍՏՎԱԾԱՇՆՉՅԱՆ ՀՂՈՒՄՆԵՐ

Մարկոս 13:4-23
4 «Ասա՛ մեզ, ե՞րբ են դրանք լինելու, և ո՞րն է լինելու այն նշանը, որ կազդարարի այդ բոլոր բաների կատարումը»։ 5 Այդժամ Հիսուսը սկսեց նրանց ասել. «Զգուշացե՛ք, որ ոչ ոք ձեզ չխաբի։ 6 Շատերը իմ անունով կգան ու կասեն. “Ես եմ Քրիստոսը”, և շատերին կմոլորեցնեն։ 7 Երբ լսեք, որ պատերազմներ են լինում կամ պատերազմներ են նախապատրաստվում, մի՛ խռովվեք, որովհետև դրանք պետք է լինեն։ Բայց դեռ վերջը չէ։ 8 Որովհետև ազգը ազգի դեմ կելնի, թագավորությունը՝ թագավորության դեմ, տեղ առ տեղ երկրաշարժեր կլինեն, սով ու խռովություններ* կլինեն։ Սակայն սրանք նեղությունների սկիզբն են։ 9 Բայց դուք զգուշացե՛ք ձեր կյանքի համար. ձեզ դատարաններ կհանձնեն, ժողովարաններում ծեծի կենթարկվեք, իմ պատճառով կուսակալների ու թագավորների առաջ կտարվեք՝ իմ մասին նրանց վկայություն տալու։ 10 Նախ Ավետարանը պետք է քարոզվի բոլոր ազգերին։ 11 Երբ ձեզ տանեն դատարան հանձնելու, կանխավ մի՛ մտահոգվեք, թե ի՛նչ եք խոսելու, այլ այդ պահին ինչ որ ձեզ տրվի, ա՛յդ ասեք, որովհետև դուք չէ, որ պիտի խոսեք, այլ Սուրբ Հոգին։ 12 Եղբայրը եղբորը մահվան կմատնի, հայրը՝ որդուն, զավակները ծնողների դեմ կելնեն և նրանց կսպանեն։ 13 Եվ իմ անվան պատճառով բոլորը ձեզ կատեն։ Սակայն ով մինչև վերջ համբերի, նա կփրկվի։
Մեծ սրբապղծությունը
(Մտթ. 24.15-28, Ղուկ. 21.20-24)
14 Ու երբ տեսնեք ավերածության պղծությունը,- որի մասին ասել է Դանիել մարգարեն* (ով կարդում է, թող հասկանա),- որ կանգնել է ա՛յն տեղում, ուր չպետք է լիներ, այն ժամանակ ովքեր Հրեաստանում լինեն, թող սարերը փախչեն, 15 ով տանիքի վրա լինի, թող չիջնի և մի բան վերցնելու համար տուն չմտնի, 16 ով արտում լինի, թող իր վերարկուն վերցնելու համար հետ չդառնա։ 17 Բայց վա՛յ հղիներին ու ստնտուներին այն օրերին։
18 Աղոթե՛ք, որ ձեր փախուստը* ձմեռ ժամանակ չլինի։ 19 Որովհետև այդ օրերին կլինեն այնպիսի նեղություններ, ինչպիսիք արարչագործության սկզբից մինչև հիմա չեն եղել և ոչ էլ կլինեն։ 20 Եվ եթե Տերն այդ օրերը չպակասեցներ, ոչ ոք չէր փրկվի. սակայն ընտրյալների համար, որոնց ընտրեց, այն օրերը կարճացրեց։ 21 Եվ այն ժամանակ եթե մեկը ձեզ ասի՝ “Ահա այստեղ է Քրիստոսը” կամ “Ահա այնտեղ է”, չհավատաք։ 22 Որովհետև կհայտնվեն սուտ քրիստոսներ ու սուտ մարգարեներ, որոնք նշաններ ու հրաշքներ ցույց կտան, որպեսզի մոլորեցնեն, եթե հնարավոր լինի, նույնիսկ ընտրյալներին։ 23 Բայց դուք զգո՛ւյշ եղեք. ահա նախապես ձեզ ամեն ինչ ասացի։

Գրծ․ 9:1-2
Սողոսի դարձը
1 Իսկ Սողոսը, որ Տիրոջ աշակերտներին սպառնալով ու նրանց սպանելով էր տակավին ներշնչված, եկավ քահանայապետի մոտ՝ 2 նրանից Դամասկոսի ժողովարաններին ուղղված նամակներ խնդրելու, ինչպես նաև եթե ճանապարհին գտնի Խոսքին հետևող որևէ մեկին՝ տղամարդ թե կին, կապված Երուսաղեմ բերի։

Փպ․ 1:29
29 Եվ ձեզ Աստծուց դա շնորհ տրվեց ոչ միայն Քրիստոսին հավատալու համար, այլ նաև որպեսզի չարչարվեք նրա համար

Կղ․1:24
Պողոսի ստանձնած առաքելությունը
24 Հիմա ուրախ եմ իմ չարչարանքների մեջ, որ կրում եմ ձեզ համար, և իմ մարմնի մեջ լրացնում եմ Քրիստոսի նեղությունների պակասը՝ հօգուտ նրա մարմնի, որ եկեղեցին է